سومەیە بۆزە، ئەندام پەرلەمانەو دەم پارتی جە بازنەو موشی ئەرەیاۋناش، گۆشەگیریی سەرو ڕابەرو گەلوو کورڎی عەبدوڵا ئۆجالانی تاوانەنە دژ بە مرۆڤایەتی و ئەرەیاۋناش: "پەی ئانەی دمایی بە ڕژێموو گۆشەگیری بێنە، پەنەوازا گەلا بەشێوێوە یەکلاېیکەرەوە جەدژش ئەرەپڕا."
سومەیە بۆزە، ئەندام پەرلەمانەو دەم پارتی جە بازنەو موشی، سەبارەت بە گۆشەگیریی سەرو ڕابەرو گەلوو کورڎی، عەبدوڵا ئۆجالانی، چنی ئاژانسوو هەواڵوو فوراتی قسێش کەرڎۍ.
سومەیە باسش جە سەپنای گۆشەگیریی ڕەهاو سەرو ڕابەر ئۆجالانی کەرد و واتش: "بەرێز ئۆجالان چارەکە سەڎێوەن کە گۆشەگیر کریان؛ پەنج ساڵێن نە بنەیان و نە پارێزنەرا نەتاوانشا سەرش ۋنە بڎا، یەرۍ ساڵېن گرڎوو عیلاقەکاس پڕچیێنۍ، هیچ لایەنێوە یاسایی چی مژارەنە بیەیش نیا، جە ڕوانگەو یاسێوە ئینە پاشێلکاریێوە جددیی و بێ ئەخلاقیا؛ چونکی ئی پەرسە بە تایبەتی پەی گەلوو کورڎی گرنگا. بە ملیۆنان کەسۍ ماچا ئۆجالان ئیراڎەو منا، پېسە رابەر و سەرۆکو ۋێشا قبوڵشا کەردەن. پۊکەی هەر جۆرە کردەوێوە ۋەرا ۋەر بە بەڕێز ئۆجالانی عیلاقەی ڕاسەوخۆش بە کێشەو کورڎی و گەلوو کورڎیۆ هەن."
چارەسەرنەکەرڎەی ئی پەرسەی زەرەر بە گەلی مېیاۋنۆ
هەرپاسە سومەیە ئاماژەش پانەیچ کەرد، ئاڎۍ ڕووبەڕوو ئا جۆرە عەقڵیەتەیە باوە کە گەرەکشا کێشەو کورڎی بە چارەسەرنەکریایی مەنۆوە و واتش: "چارەسەر نەکەردەی پەرسوو کورڎی ئیسفاڎەش پەی مەسڵەحەتو گەلا نییا. ئەگەر مەسڵەحەتێوە بۆ، ئانە مەسڵەحەتو ئاڎیشایچا، کەواتە جیای قووڵکەردەیۆ و قەیرانە فرەلایەنەکا، پەنەوازا پەی چارەسەرکەردەی ئاژەکەی هەنگامە بنیەیمۍ ئشیۍ جە ساڵەو ٢٠١٣ـیۆ چنی بەڕێز ئۆجالانی درێژەشا بە گفتووگۆی دابیۍ، بەڵام پا جۆرەی ئێمە موینمێش و دیارا گەرەکشانە بە درێژەدای بە گۆشەگیریی سەرو بەڕێز ئۆجالانی، بەردەوامۍ با جە حوکمڕانی و گەرەکشانە پېۋەرە ژیۋای گەلا ۋەرو چەما نەگێرا و خزمەت بە جەنگی بکەرا."
ئەرەکۊشای پەی بیەو گەلوو کورڎین
سومەیە ئاماژەش پانەیچ کەرد کە گەلوو کورڎی پەی بیەیش ئەرەکۊشای مکەرۆ و واتش: "بەڵام جە ۋەرا ۋەرو ئی ئەرەکۊشاینە، سەڎان ساڵېن سیاسەتو نکۆڵیکەردەی و دلېنەبەردەی ملۊڕاوە، بەڵام جە لێوەتەرۆ چی ئەرەکۊشاینە دەسوو ئاشتی درێژ مکریۆ، بەڵام چنی ئانەیچ حکومەت بە جەنگ جواب مڎۆوە و گرڎ مزانمۍ کە ئی جەنگە ئیسفاڎەش پەی هیچ لایەنێوە نییا پۊکەی مشۆم جوابو داواکاری گەلی پەی ئاشتی بڎریۆوە، گۆشەگیریی زیڼانو ئیمرالی بە گرڎوو زیڼانەکا تەریرە وەڵا بیەنۆ و هەرپاسە جە فرەو ڕوواوە کاریگەریش سەرو گلېرگەی نیانەرە.گەلی و گلێرگەی جە دژوو یۊترینی بەکار مارا، هرووژم مکریۆ سەرو کولتووری و زۋانی و تاریخی، جە ۋەرا ۋەرەنە خزمەتو جەنگی مکەرا، ئی سیاسەتە زەرەر بە پێوەرە ژیۋای گەلا میاۋنۆ."
سومەیە جە دمادمایی قسەکاشەنە ئاماژەش پانەیە کەرد کە لایەنە سیاسییەکۍ تەریچ بەشێوەنۍ چا دووڕووییە و واتش: "پەی ئانەی دمایی پی ڕژیمو گۆشەگیرییە بێنە، نەتەنیا بە شێوازی سیاسی، بەڵکم مشۆم گەل بە شێوێوە یەکلایکەرەوە دژش چالاکی بکەرا. پېسە ئاماژەم پنەدا ئی گۆشەگیرییە تەنیا سەرو بەشێوە جە گلێرگەیرە مەلۆڕاوە، پۊکەی ئەرکو گرڎوو گلېرگەین دژوو ئی سیاسەتەیە ئەرەپڕا."
