ئاراو

مەجلیسوو گەلوو گەشمەرڎە محەمەد تونچی و مەجلیسوو ژەنا ڕۆژبینی بۆنەو ٤٠ ەمین ساڵیاڎو هەڵمەتەو ١٥ و ئابوو ١٩٨٤، جە شارو ئاراوی سویسراینە سەیرانێوەشا ڕێکوست و زەماۋنەو "جەژنەو ژیۋایۆیشا" ئەنجامدا. هامسەرۆکەو کۆنسەو کوردی سویسرا (یەژەکە-سە)ی دیلان چەتین‌کایا، چالاکا یۆبیەی ژەنا کورڎی جە سویسرا (یەژەکە-سە) و فرێوە جە کورڎەسانیا بەشدارۍ مەراسیمەکەی بێنۍ.

دماو دەیەقێوە ڕێزگېرتەی جە گەشمەرڎا، هامسەرۆکو ناوەندی گلێرگەو کورڎی دیموکراتیکی ئاراوی، ئیدریس ئوزکاش واتش: "٤٠ ساڵۍ چێوەڵتەر بە سەرمەشقایەتی فەرماندەی گۆرەی هەڤاڵ عەگیدی، گوللۍ یووەمە تەقا. کاریگەری ئی گوللۍ هەڵای بەردەواما. دوژمنەکێما بە بەکارئاردەی هامکارە هەرێمییەکا هرووژم مکەرا سەرما. ساڵانێوەن هیچ زانیاریێوە سەرو ڕابەرایەتیما نییا کە ئیمراڵینە زیڼانی کریان. بە دۆس و دوژمنی ماچمۍ، ئازاڎیی ڕابەر ئاپۆی، ئازاڎیی گەلوو کورڎین. هەتا ڕابەر ئاپۆ ئازاڎ نەبۆ، کەسما ئازاڎۍ نمەبیمۍ".

جە مەراسیمەکەنە بەنامۍ مەجلیسوو ژەنا ڕۆژبینیوە ڕوکەن ئامەدە ئەرەیاۋناش گوللۍ ١٥ و ئابی نریا زیهنیەتوو دەسەڵاتیوە، واتش: "ئی شۆڵەچراوۍ ئازاڎییەو فەرماندە مەعسوم کۆرکمازی، هەڵای گرڎ شۆنێنە بەردەوامەنە".

زەماۋنەکۍ بە چالاکی هونەری و مۆسیقا و هۊرپڕای دمایس ئاما.

سۆلۆزەرن

شارو سۆلۆزەرنینە جەلایەن و کۆمۆنەو ژەنا پناری و مەجلیسوو گەلوو سۆلۆزەرنیوە چالاکی ئەنجامدریا.

دماو دەیەقێوە ڕێزگێرتەی جە گەشمەرڎا، بەنامۍ کۆمۆنەو ژەنا بناریۆ، خەجێ کایا جە مەراسیمەکەنە قسێش کەردۍ، واتش: "ئی یوەمین گوللۍ، هامکات گوللێوە بۍ دژوو دەسەڵاتوو پیای فیوداڵی".

هامسەرۆکا گلێرگەو کورڎی دیموکراتیکی سۆلۆزەرنی کایا دەمیر و یەتەر گوزەنە ئاماژەشا بە گرنگی هەڵمەتەو ١٥ و ئابی کەرد.

سیاسەتمەدارو کورڎی محەمەد ڕوناهی سەرنجش وست سەرو مڎرامانوو کەشی و زیڼانی و واتش: "تا یاوای بە سەرکۆتەی و ڕابەرایەتی ئازاڎی و کورڎەسانی ئازاڎی، ئەرەکۊشای گۊرەتەر مکەرمۍ".

چالاک و سیاسەتمەدارو کورڎی مەتین منتاش واتش: "مڎرامانوو ڕابەرایەتی، مڎرامانوو گەریلای و مڎرامانوو زیڼانیا پەی ئێمە سەرچەمەو ئیلهامیا. ئێمە ئەرەکۊشای بە سەرکۆتەی تاجدار مکەرمۍ".

چالاکییەکە بە درووشمە و هەلهەلە و هۊرپڕای بەردەوام بی.