تەڤگەروو ئازادی بە ئەرەیاوناێوە نویسیا پێکئاردەی ئیدارەی وێمانەو کەرکووکیش مەبرەک کەرد و ماچۆ:" هومێدما هەن بە خزمەتگوزاریی خاس و گێڵنایوە ئاشتی و تەبایی، ڕاگێریکەردەی جە پیلانگێڵنی و دەسوو بەری و ڕانەدای بە گەندەڵی بۆ بە نموونیوی تازە."
هیزی شاروو بەغدادینە ئیدارەی وێمانەو کەرکووکی پێک ئاما و ڕێبوار تەها سەروو بەشەو یەنەکەی پێسەو پارێزگاری تازەو کەرکووکی هورچنیا. پی بۆنەوە تەڤگەروو ئازادیی گڵێرگەو کوردسانی، ئەرەیاوناێوەش وەڵا کەردۆ و مەبارەکبایی چی هەنگامێ مکەرۆ.
تەڤگەروو ئازادیی ماچٶ:" كەركووك شارێوی فرە پێكئاما و ستراتیژیی گرنگا، عێراقەنە و ھەرێموو کوردستانینە، بەردەوام ئەرەگیرێ، ھێزە شۆڤێنییستەکێ چەمشا سەرش بێ و هەوڵێ تێکدای و ئاژاوەگێڵنی دێنێ، بەتایبەت لاو دەوڵەتوو تورکی و عەرەبی شۆڤێنی و ئەرەگیراو کوردسانیوە، پاسەشا کەردەن کە هەمیشە پشێوی و قەیرانە شۊنەو قەیرانێرە، پەی خەڵکو ئی شارە کوردسانییە وەش بکەرا، دەوڵەتو توركیای سەد ساڵێن ۋەرم بە ئەرەگیرکەردەیۆ موینۆ، چڼین هەوڵۍ نایاسایی و ناڕەوێش دێنۍ، بە نامۍ پارێزنای شناسنامەو توركمانەكاوە، دەسوەردایش کەردەن و پشێویش وستەن بەینوو نەتەوەكاوە."
ئاماژە پانەی مکەرۆ دماو ڕیفراندۆمە گوماناوییەکەو پەدەکە-بارزانی کەرکوک بی بە قۆچەو قوربانی و پێگەو کوردی جە شارەکەنە لاواز بی، ماچۆ:دەرەنجاموو ئا سیاسەتە تاکڕەوییە بۍ کە زیاتەر دەسوەردای بەریش واڵاکەرد، بەتایبەتیی دەوڵەتو توركیای قەیرانەکێش قوڵتەرۍ کەردێنێوە".
تەڤگەروو ئازادیی ئەرەیاۋناش هامکارۍ با جە ۋییەرنای قەیرانەکاو کەرکوکی و بەدیئارڎەی پێوەرە ژیۋای، مبارەکبایی جە پێکئاوردەو ئیدارەی تازەو کەرکوکی مکەرۆ و ماچۆ: "همێڎەوارێنمۍ بە خزمەتگوزاریی عال و گێڵنایۆ ئاشتیی و تەبایی، ڕاگێرتەی جە پیلانگێڵنیی و دەسوەردای دەرەکیی و ڕانەڎای بە گەندەڵیی بۆ بە نموونێوە تازە، پەی تەماموو کەرکوکییەکا".
