جوانا ئاپۆیی شارو مەریوانی جە ۋەرکۊتوو کورڎەسانی بۆنەو هەڵمەتەو ١٥و ئابیوە ۋێنەکۍ رابەرو گەلوو کورڎی عەبدوڵا ئۆجالانی و فەرماندە عەگیدی و گەشمەردا تەریشا وەڵۍ کەردێوە.
شارو مەریوانی جە ۋەرکۊتوو کورڎەسانی جوانا ئاپۆیی بۆنەو هەڵمەتەو ١٥و ئابیوە ۋێنەکۍ رابەرو گەلوو کورڎی عەبدوڵا ئۆجالانی، فەرماندە عەگید (مەعسوم کۆرکماز)ی و هەرپاسە گەشمەرڎا ۋەرکۊتیشا وەڵۍ کەردێوە.
هەرپاسە جوانەکۍ جە بڕۍ شۆنا شارەکەینە ۋێنەکاو گەشمەرڎا رێزان جاویدی و عاکیف مامۆ زاگرۆسیشا وەڵۍ کەردێوە.
ئا جوانۍ وەڵا کراوێچشا جە شارەکەنە وەڵۍ کەردێوە کە چنەشانە ئاماژە بە تاریخو ١٥و ئابی کریابۍ.
