عومەر شارستانی: هامکارێ ئێمە مدانە دەسوو بکوشاوە!
مەلا عومەر شارستانی مەراسیموو بەخاکسپارای جەنازەو گەشمەرداو دوکانینە قسێش کەردێ و ناڕەیاتەییش نیشانە دا و واتش:" تا کەی مشۆم ڕا بدا پاسە ئەرەگیرێ، ونمجێ، کاسەلێسی پێسە پلانەما سەرۆ بگێڵنا؟".
دەوڵەتی ئەرەگیروو تورکی بە فڕۆکەی بێفڕۆکەوان، سەروو ڕاو خەلەکان- کانی وەتمانیوە، مەنتێقەو دووکانوو پارێزگاو سلێمانیینەسەیارێوەش کەرد ئامانج، کە موزەفەر حوسێن خدر و دووێ کوڕێش بە نامەکاو محەمەد موزەفەری و موبین موزەفەری گەشمەردێ بیێ. موزەفەر و دووە کوڕەکێش مەراسیمێوە جەماوەریینە قەبرسانوو ماکۆکینە حاجی ئاوانە جە ئیدارەو ڕاپەڕینینە بە خاکی ئسپاریێ.
"چەماشا ئاستوو کوشتەی ڕۆڵەکامانە موزانێرە"
یۆ جە کەسێتییە دیارەکاو مەنتێقەکەی، مەلا عومەر شارستانی واتش: "نیشتمانما سەروەرییش وەنە سنیانۆ، ڕوانە موینمێ کە درۆنێ هاموەڵاتاما مکەرانە ئامانج، ئا کەسێ حەر کەس و لایەنێوە بانە، پەنەوازا وەرپەرسێما جە سەروەری و سنووریشا بپەرساوە. تا کەی مشۆم پاسە ئەرەگیرێ و ونمجێ و کاسەلێسێ پیسە هورسونیشتما چەنی بکەران. فرە گلەیێما جە دەسەڵاتداراما هەنێ، چەنی مسۆم پاسە ئێمە تەسلیمێ بکەرا، تا کۆکوشما بکەرا. بسۆچناما و کەس نێوە جواب."
مەلا عومەر ئەرەیاوناش گرنگ نییەن چند کورسییێ پەرلەمانی دەس وزمێ، گرنگ پارێزنای سەروەریی وەڵاتی و ئاسایشیی نەتەوەییا، واتش:" داوا مکەرمێ، کە نازانە ونیما بمجیۆ. سنوورما ببەزنیۆ، ڕۆڵەکێما بگنانە چێروو غەزەبوو درۆنیوە."
