پەرلەمانتارو رحاو پارتو دیموکراسی و یەکسانی گەلا (دەم پارتی) عومەر ئۆجالان پەی ئانەی بتاوۆ رابەرو گەلوو کورڎی عەبدوڵا ئۆجالانی بوینۆ کە ٤١ مانگێن هیج هەواڵێوەش نمەزانیۆ، داواکاریێوەش ئاراسەو وەزارەتو دادی کەرد.

جە داواکارییەکەنە ئامان، "جە ئیساتێنە پېسە بنەیانەو بەرێز عەبدووڵا ئۆجالانی کە جە زیڼانو ئیمراڵینە راگیریان، نمەتاوا زانیاری جە بارەشۆ بەدەسبارا، هەرپۊکەی نارەحەتۍ ئاژەو تەندروسی ئاڎینۍ. من پېسە برازاو بەڕێز ئۆجالانی گەرەکما ١٦و ئابو ٢٠٢٤ سەردای بەڕێز عەبدوڵا ئۆجالانی بکەرو. پەی ئەنجامدایش داواکارەنا ڕاوجای پەنەواز گێردێنە وەر".