وۆرک شۆپوو ١٠ەمین ساڵەوگێڵوو فەرمانەو ٣ێ ئابوو ٢٠١٤و سەروو گلێرگەی ئێزیدی بە دروشموو 'ئازادی و دادپەروەری بۆ گلێرگەی ئێزیدی' بە بەشداریی ٢٠٠ کەسا بەرۆ و دلێ وەڵاتییەنە دەسش پەنە کەرد.
ئێساڵ ڕاوەبەریی خۆسەریی شەنگالی پێسەو گردوو ساڵا ئینا ئامادەکارییەنە پەی ساڵەوگێڵوو فەرمانەو ٣ێ ئابوو ٢٠١٤ سەروو گلێرگەی ئێزیدی. تا ئێسە چندین کۆنفراسێ سەروو فەرمانێ و ئامانجەکاش کریێنێ. ئێسڵیچ پەی ساڵەوگێڵوو فەرمانەکێ بە درووشموو 'ئازادی و دادپەروەری پەی گلێرگەی ئێزیدی' دەسش پەنە کەردەن.
وۆرک شۆپەکە بە بەشداریی ٢٠٠ کەسا بە ئامادەبییەی و ئۆنلاین بەرۆ و دلێ وەڵاتیوە دەسش پەنە کەرد.
وۆرک شۆپەکەنە دا پێکئاماو عەرەبی گردوو عێراقینە بەشدارێنێ، بە تایبەت کەسایەتی سیاسی، ڕۆشنویرێ و ئەکادیمستێ بەشداریێوە فرەشا هەن.
وۆرک شۆپەکەنە بابەتەکاو، 'فەرمانەکێ چەنی کریا، کێ بییەبێ بایسش، ئامانجیش چێش بێ و کێ ڕاش گێرتە جە قڕکەردەی ئێزیدییەکا کرد' قسێشا سەر کریا.
بە شێوە تەروو وۆرک شۆپەکەینە بابەتە سەرەکییەکا، 'نەشناسای فەرمانەکێ پیسەو جینۆسایدی لاو عێراقیوە، هۆکارەکێش، دادگایینەکەردەی داعشی و ئانێ وەرپەرسیی پارێزنای شەنگالیشا نەکەرد، دادپەروەری و ئازادی پەی گلێرگەی ئێزیدی، وەنەپەرسایوە جە بکەراو فەرمانەکێنێ'
بابەتی هەرە گرنگوو وۆرک شۆپەکەی قسەکەردەین سەروو بێکارکەردەی پەیمانەو ٩و تشرینوو یوەمی، دادگاییکەردەی وەرپەرساو فەرمانەکێ؛ داعش، پەدەکە، وەرپەرساو سوپاو عێراقی، ئشناسنای فەرمانەکێ بە جینۆساید، ددانیایپۆرەی بە ڕاوەبەریی خۆسەریی شەنگالی و هێزە پارێزنەکاو شەنگالی؛ یەبەشە-یەژەشە و ئاسایشوو ئێزیدخانی.
قسێ ئەوەڵەو وۆرک شۆپەکەی یاگەداروو هامسەرۆکوو دەسەو ڕاوەبەریی شەنگالی دەخیل ئیبراهیمی کەردە. خێرامای گردوو بەشداراش کەرد و پێوەس بە ئامانجوو کۆنفرانسەکەیوە دوا.
وۆرک شۆپەکە بە سەرپەرشتیی ئەنداموو مەکتەبی سیاسی پادێ، قەحتان خەلیلیوەن و تا سەعات ١٦:٠٠ بەردەوامەن.
وۆرک شۆپەکە بە وانایوە پەیاموو دەزگا و ڕێکوستەیەکا بەردەوام مبۆنە.
بەپاو زانیارییەکا، کۆمیتەی ئامادەکاروو وۆرک شۆپەکەی بە ئەنجامنامێوی دمایی بە وۆرک شۆپەکەی مارۆنە.
