هەپەگە ئامارەو مانگەو تەمووزیش ئاشکرا کەردە و ئەرەیاۋناش، جە ٢٠٥ چالاکیۍ ئاسمانی و زەمینیۍ گەریلاینە درۆنێوە هرووژمکەر، ٢ هەلیکۆپتەرۍ وزیێنێرە ۋاری و ٥٦ ئەرەگیرۍ کە یۆشا پلەدار بۍ سزادریێنۍ.
ئەرەیاۋناو ناوەنڎو ئارەیاۋنای و چاپەمەنی هەپەگەی پی جۆرەنە:
"گەریلاکۍ ئازاڎیی کورڎەسانی بە یاڎکەردەیۆ فەرماندۍ گیانبازێما هەمڕا زیلانە (زەینەب کناجی)ۍ و وەفاڎاری پەی ئاڎۍ، پاشا وست مانگەو تەمووزی. جە مانگەو تەمووزینە مڎرامانوو ڕۊچۍ گەورەو مەردەی ١٤و تەمووزی ئەنجامدریان، سەرو هێڵۆو هەمڕا کەمال پیر، محەمەد خەیری دورموش، عەلی چیچەکی و عاکیف یەڵمازی پاگیریش سەر کریا و مڎرامان پەرەش پنەدریا. گەریلاکاو ئازاڎیی کورڎەسانی مانگەو تەمووزی جە ۋەرا ۋەرو گرڎ جۆرە هرووژمە ئەرەگیریەکا سوپاو تورکی ئەرەگیرینە جە سەرنیشتوو کورڎەسانی تا هەڕێمەکا پارێزناو مەدیای جە گرڎ شۊنێوەنە ۋێڕاگریشا کەرد و ئاستێوە گرنگو مڎرامانیشا خوڵقنا.
٥٦ هرووژمۍ بە بۆمبی کیمیاویی، ٦٤ هرووژمۍ بە تەقەمەنی قەڎەغە، ٢ هرووژمۍ بە بۆمبی ئەتۆمی تاکتیکی
سوپاو تورکی ئەرەگیری چنی بۆردومان و ئۆپراسیۆنی بێشوماری جە سەرنیشتوو کورڎەسانی، هەرێمەکاو پارێزنای مەدیایچش دوۍ جارۍ بە بۆمبی ئەتۆمی تاکتیکی، ٥٦ جارۍ بە چەکی کیمیاویی و ٦٤ جارېچ بە تەقەمەنی قەڎەغەکریا بۆردومان کەردۍ و جارێوەتەر تاوانەو جەنگیش ئەنجامدا. هێزەکېما جە ۋەرا ۋەرو هرووژمەکا سوپاو تورکی ئەرەگیرینە بە تەکنیکو جەنگی هەوایی و زەمینی، زېڵۍ فیدایی ئاپۆییشا بەرزکەردۆ، جە تاکتیکو گەریلای، ڕا و رێبازو جموجۆڵی و چالاکیشا قووڵتەر کەردۆ، پی جۆرە ۋەرپەرچشا دێوە و پلانەکۍ دوژمنیشا دلېنەبەردۍ. جە مانگەو تەمووزینە ئەنداموو فەرماندەیی ئەیالەتو گاباری هەمڕا هەرەکۆل –تانەت ئۆگمەن و هەمڕا ئەکین- چنار ئەحمەد کە بە فیڎاکاریێوە گەورە و زېڵۍ فیدایی ئاپۆیی سەرمەشقایەتیشا پەی ئەرەکۊشایما جە سەرنیشتوو کورڎەسانینە کەرد، فەرماندەیی هەرێموو کاتۆی هەمڕا بەندا –سەمرا ئایڤەردی، دەستینا –بشەنگ دورموش و باران –سەعیدخان سەنجەر، هەمڕا نەواڵە-نودەم کورت، دژوار- سەردار دوشەرگە و ژیان –دارشین موسا کە سەرمەشقایەتیشا پەی مڎرامانوو مەتینای کەرد، هەمڕێما جانفەدا- ئیدریس، چنار جانفەدا- محەمەد ئەکرەم شێخۆ و سیدار – مەتین داغجی کە زېڵۍ مڎرامانی فیداییشا جە زاپەنە بەرزکەردۆ، گەشمەرڎۍ بیۍ. ئێمە ئا هەمڕایاما کە سەرو بنەماو هێڵۊو ١٤و تەمووزی بە قارەمانیەتی جەنگشا کەرد و گەشمەرڎۍ بیۍ بە رێز و پنەزانایۆ یاڎشا مکەرمېوە و قەول واوەی مکەرمېوە کە ڕاشا ۋەر نەڎەیمۍ و مەرامەکاشا بە دڵنیاییوە بیاونمۍ بە سەرکۊتەی.
درۆنێوە هرووژمکەر، ٢ سکۆرسکیۍ وزیێرە واری و ئەفسەرێوە بە پلەو یاربای بە سزایاوا
جە مڎرامانوو مانگەو تەمووزینە کە بە سەرمەشقی هەمڕا گەشمەرڎةکاما لواڕاوە، گەریلاکۍ ئازاڎیی کورڎەسانی پێرفۆرمانسێوە گرنگوو جەنگیشا نیشانەدا و جە ئاسمان و زەمینۆ چالاکی کاریگەرشا کەرد، گورزەی قورسەشا جە سوپاو تورکی ئەرەگیری شانا. هێزەکێما جە مانگەو تەمووزینە درۆنێوە هرووژمکەرشا وستەرە واری، جە لایەنو یەکینەکاو گەشمەرڎە دۆغان زناری و گەشمەرڎە ئاخین موشیوە ٢٧ چالاکیۍ ئاسمانیۍ کریێنۍ، حەرپاسە بە چڼین تاکتیکۍ گەریلا ١٧٨ چالاکیۍ زەمینیێش بەئەنجام یاۋنۍ؛ بە گرڎیی ٢٠٥ چالاکیۍ کریێنۍ. جە ئاکاموو چالاکیەکاو هێزەکامانە جە ١٢و تەمووزی جە ئاسمانو ئاسۆسینە درۆنێوە هرووژمکەر جە جۆرو ئاکسونگوری کریا ئامانج و نزیک بە دەگاو پیرزەلانی مەنتیقەو گەڤەرو جۆلەمێرگی کۊتەرە واری. جە هەرێموو گەشمەرڎە دەلیلی جە ۋەرنیشتوو زاپی ٢ هەلیکۆپتەرۍ جۆرو سکۆرسکی سەر بە سوپاو تورکی ئەرەگیری وزیێرە واری. چا هەلیکۆپتەرەنە کە ١٠و تەمووزی وزیارە واری ١٠ ئەرەگیرۍ کە سەرفڕۆکەوان مسەفا شەن و فڕۆکەوانی یاردیدەرش شامیل سازیشا دلېنە بێنۍ، بە سەختی زامڎارۍ بیۍ. سوپاو تورکی ئەرەگیر و میدیاو جەنگی تایبەتی سەبارەت بە چالاکی گۊرە و قەوەتوو گەریلای کە بە بەڵگە و دیمەن نیشانە دریا، هیچ قسێوەش نەکەردە. بە بێدەنگی ۋێشا گەرەکشابۍ زەرەرە گیانیە قورسەکاشا و کاریگەری چالاکیە سەرکۊتەکا گەریلای بشاراوە، بەڵام هێزەکېما بێ مردای درێژەشا بە چالاکی کاریگەرو ۋێشا دا، جە مەتینانە بە رێبازی سابۆتاژ چالاکیشا کەرد و جە ئاکامەنە جە ناوەڼو فەرماندەیی جموجۆڵی ئەرەگیرانە جە زاپ و مەتینانە پلەدارۍ بە پلەو یاربای پیادەی (موقەدەم/سەرهەنگ دووەم) عەبدوڵا دەمیرکان و ئەفسەرێوە بە پلەو جێداری یوەمی و ئەفسەرێوەتەر بە پلەو جێدار (مولازم)ی کە چنیش بێنۍ سزادریۍ. سوپاو تورکی ئەرەگیری دماو چڼین ڕووا و جە نیمەشەوەنە دڎانش بە زەرەرە گیانیەکاشەرە نیا.
پێرفۆرمانسو جەنگی و مڎرامانوو گەریلاکا ئازاڎیی کورڎەسانی کە بە گیانی فیدایی ئاپۆیی جە مانگەو تەمووزینە بە ئەنجام یاوا، پېسە ئەڵقێوە مڎرامانی گرنگی لوا دلۍ تاریخو ئەرەکۊشایماوە. گەریلاکاو ئازاڎیی کورڎەسانی بە هەستی فیداکاری گەورەو خەیری دورموشی کە واچۍ ' سەرو کێلەو قەبرەکێمۆ بنویسدۍ قەرزارو گەلەکەیشا' و بە قەرارداری هێقموو کەمال پیریوە کە واچۍ ' ئێمە پا حەدە حەزما جە ژیۋاین کە ئاماڎێنمۍ پەیش مرمۍ' بۍ مردای درێژەشا بە ئەرەکۊشای ئازاڎیدا و نیشانەشا دا کە خاوەنداری جە ئەرکو سەرمەشقایەتی ۋێشا مکەرا.
زانیاری ۋەرفراوان سەرو ئامارەو جەنگی
زانیاری ورد و ۋەرفراوان سەرو ئامارەو جەنگی جە مانگەو تەمووزینە پی جۆرەنە:
هرووژمەکۍ سوپاو تورکی ئەرەگیری
هرووژم بە فڕۆکەی جەنگی: ٣٤٥
هرووژم بە هەلیکۆپتەر: ٥٢
هرووژم بە بۆمبی ئەتۆمی تاکتیکی: ٢
هرووژم بە تەقەمەنی قەڎەغەکریا: ٦٤
هرووژم بە درۆنی بەبۊمب چنیا: ١
هرووژم بە چەکی کیمیاویی: ٥٦
ئا هەمڕێما کە گەشمەرڎۍ بیۍ
ژمارەو ئا هەمڕایاما کە گەشمەرڎۍ بیۍ: ١١ هەڤاڵێنۍ
چالاکیەکاو گەریلای
چالاکی ئاسمانی گەریلای: ٢٧
چالاکی زەمینی گەریلای: ١٧٨
کۆو چالاکیەکا گەریلای: ٢٠٥
کوشیێکۍ دوژمنی
ژمارەو ئا ئەرەگیرا کە سزادریێنۍ: ٥٦ کەسێنۍ
ئا ئەرەگیرە پلەدارۍ کە سزا دریێنۍ: ٢ کەسێنۍ
ئا ئەرەگیرۍ کە زامڎارۍ بیێنۍ: ٤٦ کەسێنۍ
ئا کەرسە سەروازیۍ دلېنەبریۍ
درۆنی هرووژمکەرو ئاکسونگوری: ١
هەلیکۆپتەری سکۆرسکی: ٢
ترۆمبێلی سەروازی جۆرو کیرپی: ٦
ترۆمبێلی سەروازی زرێپۆش: ١
کرێن: ٢
گەڵابە: ٢
جبەخانە و تەقەمەنی: ٢
درۆنی بەبۆمب چنیا: ٦
کۆنتینەر: ١
کامێرەی چەمڎاری حەراری: ١٥
مۆڵگە: ١٢
خێمۍ: ٧
بۆمبشان: ١
پرۆژێکتۆر: ١
ئا کەرسە سەروازیۍ کە گورزەشا ۋنە دریا
هەلیکۆپتەری سکۆرسکی: ١
ترۆمبێلی سەروازی زرێپۆش: ١
حەفارە: ٢
کۆنتینەر:١
مۆڵگە: ١٥
