ئانەی ئێرش جە ماوای ۋەردا سوپاو تورکی بۍ، ئینەیچ ۋێنەکەش!
جە ڕاو ۋێنەی تازەیۆ ئاشکرا بی کە ئا ئێرەی هەرێموو کەشوو ماوایش جە مەنتیقەو حەسکێفی ئێلیحی گێرتەنۆ، جە لایەنوو سوپاو تورکیوە کۊتەنۆ.
ئاژانسوو مێزۆپۆتامیای ۋێنەو ساتەوەختوو کۊتەیۆ ئێرەکەو ١٨و حوزێرانو ئا مەنتیقەیشە وەڵاکەردۆ، کە هاموەخت بۍ چنی دەسپنەکەردەو ئۆپراسیۆنەکەی و تا ٢٢ۍ حوزێرانی بەرەو دەشتاییەکا کەرجەوسی ۋەرفراوان بی.
جە ۋێنەکەنە بە ڕۊشنی موینیۆ کە جە ڕاو هەلیکۆپتەریوە بۆردومان ئەنجام مڎریۆ و ئانەیچ بۆ بە مەڵامەتوو ئێرکۊتەیۆ.
جە ٢٢ۍ حوزێرانینە جە دەگاو بلەخشێ هەلیکۆپتەر بۆردومانێوە ئەنجام مڎۆ و ئێر گنۆوە. ئێرەکە ڕا ۋەردەموو زەرەرۍ فرەینە مکەرۆوە. سەروازەکۍ ڕانمەڎا ئەرەنیشتۍ مەنتیقەکەی ئێرەکەی کوشناوە و ئێرەکە یاوۆ دلۍ دەگۍ. ئێرەکە جە ٢٣ۍ حوزێرانینە بە مەڵامەتوو ئا ۋارانەی مەنتیقەکەش گېرتەبێوە کوشیاوە.
