فەرمانڎەیی یەکینەکا مدرامان و شەنگالی(یەبەشە)ی ئەرەیاۋناش، دۊڵەتوو ترکی ئەرەگیری جە ١٧ و ئەیلولینە جە سەردەشت هجومېوە ئاسمانیش ئانجامدان و یەرۍ فەرمانڎۍ ئاڎیشا گەشمەرڎۍ بیېنۍ.
فەرمانڎەیی یەکینەکا مدرامان و شەنگالی(یەبەشە)ی سەبارەڎ بە ئشناسنامەو یەرۍ فەرمانڎا ۋېش کە ڕۊو یەکشەممەی جە ئاکاموو هجومېوە ئاسمانینە گەشمەرڎۍ بیۍ، ئەرەیاۋنېوەش ۋەڵا کەرڎۊ.
"ڕۊو یەکشەممەی نزیک بە کەمپوو سەردەشتی سەعات ١٣:٥٠ دەیەقۍ هجومی ئاسمانی کریا سەروو ترۊمبېلېوە و چا هجومەنە یەرۍ فەرمانڎۍ گەشمەرڎۍ بیۍ".
یەبەشە ئشناسنامەو گەشمەرڎەکاش ئاشکرا کەرڎوو ئەرەیاۋناش، یاڎوو گەشمەرڎا جە کۊشیای و سەرفرازی شەنگالی ۋېڕاوەبەری ئازاڎینە بە زینڎەیی ڕاگېرمۍ.
فەرمانڎەیی یەبەشەی سەرەوەشیش جە خانەواڎەو گەشمەرڎاو گەلوو کورڎی کەرڎ و ئەرەیاۋناش،"سەرەوەشی جە خانەواڎەو هامڕایاما دیندار ئاڤېست، پیران پیر و چیا فەقیری و گرڎوو گەلوو شەنگالی کەرمۍ، وەعد مڎەیمۍ کە ئېمە یاڎوو ئاڎیشا جە کۊشیای شەنگالی ۋېڕاوەبەری ئازاڎیینە گۊرەکەرمۍ و بەسەرکۊتەی تاجدارش کەرمۍ".
جە ئەرەیاۋناکەنە جە بارەو ئشناسنامەو گەشمەرڎەکاوە زانیارییەکۍ پی جۊرەنۍ:
ناسنامۍ / دیندار ئاڤێستا
نامۍ و دمانامۍ / خالید رەشۆ قاسم
نامۍ ئەڎۍ / دەلال
نامۍ تاتەی / رەشۆ قاسم
جە ئەڎابیەی / ١٩٩٧- سیبا شێخ خدر
بەشڎاربیەی / ٢٠١٤-دێرک
وەخت و یاگۍ گەشمەرڎەبیەی / ١٧ / ٩ / ٢٠٢٣ / سەردەشت
***
ناسنامۍ / پیران پیر
نامۍ و دمانامۍ / رائید حەجی فەرحۆ
نامۍ ئەڎۍ / گوزە
نامۍ تاتەی / حەجی فەرحۆ
جە ئەڎابیەی / ٠١-٠١-١٩٩٦- دوهۆڵا
بەشڎاربیەی / ٢٠١٧
وەخت و یاگۍ گەشمەرڎەبیەی / ١٧ / ٩ / ٢٠٢٣ / سەردەشت
***
ناسنامۍ / چیا فەقیر
نامۍ و دمانامۍ / کەمال ئیلیاس برۆ عەلی
نامۍ ئەڎۍ / بەزار
نامۍ تاتەی / ئیلیاس برۆ عەلی
جە ئەڎابیەی / ١٩٩١- کۆلکا
بەشڎاربیەی / ٢٠١٥- خانەسۆر
وەخت و یاگۍ گەشمەرڎەبیەی / ١٧ / ٩ / ٢٠٢٣ / سەردەشت
