یۆبییەی ئەورووپای جوابوو دۆسیەکەو تاژێش داوە و سەبارەت بە دادگایی پەدەکەی و وەرپەرساو فەرمانەکێ واتش:" حەر وەخت ئۆفیسوو پەیوەندییەکاو پەرلەمانوو ئەوروپای و عێراقی ئەرەمەرزیا، دەمودەس نامە و دۆسیەکاتا مدەیمێ دەوو سەرۆکی تازەیوە ".
تاژێ وەڵێ دەیەمین ساڵیادوو فەرمانەو ٧٤مینەو ٣ێ ئابوو ٢٠١٤ کە دژوو جڤاکی ئێزدی وەش بی، پەی دادگاییکەردەی پەدەکەی و وەرپەرساو فەرمانەکێ، دۆسیێوەش کیانا پەی ئا وەڵاتا کە ددانشا نیان فەرمانەکێرە و کۆمسیۆنوو مافەکاو ئەورووپای و وەزارەتوو بەروو ئەڵمانیای و سەرۆکوەزیرانوو عێراقی، محەمەد شیاع سودانی.
یۆبییەی ئەورووپای پێسە جوابوو تاژێ-ێش داوە:
"سپاستا مکەرمێ کە پێوەس بە ڕووەدای تراژیدی ٣ێ ئابوو ٢٠١٤ سەروو گلێرگەی ئێزدی دۆسیێوەتا پەیکیانایمێ.
یۆبییەی ئەورووپای بەتندی ئا تندوتیژییەو داعشیشە شەرمەزار کەرد، یۆبییەی ئەورووپای زوۆن هەوڵێ مدۆ مافەکاو گلێرگەی ئێزدی بپارێزننۆ، سەرمەشقایەتی مکەرۆ جە هەوڵە میاننەتەوەییەکانە، پەی وەنەپەرسایوە جە هەرمانە دڕندانەکاو داعشی.
دۆسیەکێتا یاوا دەسما، زانیاریێ و پەیلوای دۆسیەکێتا فرە گرنگێنێ، حەروەخت ئۆفیسوو پەیوەندییەکاو پەرلەمانوو ئەورووپای و عێراقی ئەرەمەرزیا، دەمودەس نامە و دۆسیەکاتا مدەیمێ دەسوو سەرکی تازەیوە".
