ئەمریکانە دژو ڕێکوستەی تاوانکاری بارزانییەکا داواکاریێ جە دادگاو ناوچە کۆڵۆمبیاینە تۆمارکریا، کە داواو ونەپەرسایۆ جە بارزانییەکا و ئا کەسا کە سەر پاینێ مکەرۆ کە بە "ڕیکوزتەو تاوانکاری بارزانییەکا" ئشناسیان.
کەردەن. بەنوێنەرایەتی جەمەو قوربانیا کوردەسانی، قوربانیا بە نامەکا شاهوان عەبدولڕەحمان، مەکی ڕەوند و هاموڵاتی ئەمریکی جۆن دۆس، جە دادگای ناوچەو کۆڵۆمبیا سکاڵاشا سەرو بارزانییەکا تۆمار کەردەن. چا سکاڵانە کە جە ٣٩٦ لاپەڕە پێکمەیا، بنەیانەو بارزانییەکا بە ڕێکوزتەی تاوانکاری پێناسە کریێنێ.
ئا کەسێ سکاڵاشا سەرو تۆمار کریان
ئا کەسێ کە داواکارییەکەنە نامێشا ئامێنە و سکاڵاشا سەر کریان ئینێنێ: مەسرور بارزانی، وەیسی بارزانی، مەلا بابۆ مستەفا بارزانی، موکسی بارزانی، جەیرا محەمەد خالد، کاتژا ڤرجار بارزانی، ئارین مەسرور بارزانی، جۆناسان ڕ.مۆر، ڤالێری کاپ، جولی مایی سانفۆرد، لۆرا گێهۆ هاریس، تریفە عەزیز، ئینتیفاد کەمال قەنبەر، عومەر س، بارزانی، رووبار س، سندی، هیمن قواس و داسکۆ شیروانی.
چی پێسەو ڕێکوزییایێ تاوانکار پێناسە کریێنێ؟
داواکارییەکەنە ئاماژە پانەیە کریان کە بارزانییەکێ و هامکارەکێشا بە شێوێوە سیستماتیک مافەکا مرۆڤی پاشێل مکەرا و کردەوەو ساختەکاری و چەرمە کەردەیۆ زەڕی و گەندەڵی و کاری نایاسایی ئەنجام مرانە و ئینە مەڵامەتەکا پێناسەکەردەو بارزانییەکان پێسەو "رێکوزتێوە تاوانکار". هەرپاسە ئاماژە پانەیە کریان کە تۆمەتبارێ بە شێوێوە شاریایۆ و زانابییەی یاساکا ئەمریکای پاشێل مکەرا.
ئا تاوانێ ئەنجامدریێنێ
جە داواکارییەکەنە بارزانییەکێ بە تاوانەو پێسەو ئەشکەنجەدای، پاشێلکەردەو یاساو وەرەنگاربییەیۆ تیرۆری، تاوانەو دژ بە مرۆڤایەتی، کوشتەی چبەرو ئەوەکۆڵیایۆ و دادوەری، بە شێوێوە هەڕەمەکی، تاوانە دژ بە ڕاگیری کەردەی جە کۆمکوژی، وەڵاکەردەیۆ قینیو کینەی، ساختەکاری و چەرمەکەردەیۆ زەڕی تۆمەتباێنێ و داواو ئەوکۆڵیای و سزادایشا کریان.
بارزانیەکێ نوێنەرایەتی گەلو کورد نمەکەرا
هەرپاسە جە داواکارییەکەنە بە وردی ئاماژە پانەیە کریان کە تۆمەتبارێ نوێنەرایەتی گەلو کوردی نمەکەرا، و دلێشەنە ئاماژە پانەیە کریان: "جیاوازیێ ڕۆشن ما بەینو گەلو کوردی و حوکمڕانی بێ کەڵکو بارزانییەکا هەن. هەرپاسە ئاماژە پانەیە کریان کە دۆسیەکێ سەرو ئا کەساوە تۆمار کریێنێ و حیچ پەیوەندیێوەشا بە پێگەو ئیدارییۆ نییا. ئامانجو سکاڵاکەرا ونەپەرسایۆ سەرو ئا تاوانا کەردەنشا.
'متاوانە فرە کردەوێ پەنهانێ و دوور جە گومانی
جە بەشو دمای داواکارییەکەینە ئامان کە تۆمەتبارێ بە ئەنقەست و بە شێوێوە سیستماتیک زەرەرشا بە سکاڵاکەرا یاونان و "تواناو ئەنجامدای خراپەکاریی دوور جە گومانیشا هەن." داواکارێ ئەرەیاونانشا کە بەڵگەی پەنەوازشا سەرو تاوانبارا پێشکەش بە دەسەو دادوەری کەردەن
