ئەنجوومەنوو شارەوانیی جۆلەمێرگی بلانە دلێ شارەوانییوە
ئەنداماو ئەنجومەنوو شارەوانیی دەم پارتی جۆلەمێرگنە گەرەکشابێ پەی دیاریکەردەی پەرسەو ڕۆی بلانە دلێ بیناو شارەوانییوە، بەڵام ئەرەگیرکەرا ڕا وەنە گێرتێ.
ڕۆو ٣ی حوزەیرانی بە ئەمرەو وەزارەتوو دلێو دەوڵەتوو تورکی، شارەوانیی جۆلەمێرگی دەسش ملەرە گیریا، ئەنداماو ئەنجومەنوو دەم پارتی شارەوانیی جۆلەمێرگی گەرەکشابێ بلانە دلێ بیناو شارەوانییوە، بەڵام ئەرەگیرکەرێ ڕاشا نەدێ.
ئەنداماو ئەنجوومەن پەی بەشداریکەردەی کۆبییەیوی مانگانە و دیاریکەردەی کێشەکانە لوێ پەی شارەوانی، بەڵام پۆلیسا وەردەموو بەرەو شارەوانیینە ڕاشا وەنە گێرتێ.
پاسە ئەنداماو ئەنجوومەنی گەرەکشابێ چەنی بەشی تایبەتوو پۆلیسی جەمێ باوە، بەڵام پۆلیس پەنەش واتێنێ " ئیساتێنە نمەتاوا چەمپەنەکەوتەی بکەرا."
یاگێ ئاماژەینە سەبارەت پی ڕەوشەیە ئەنداماو ئەنجوومەنو شارەوانیی ڕاپۆرتێوەشا ئامادێ کەردە.
