'یەنەکە جە کەرکوکەنە سیاسەتوو مام جەلالی جابەجێ مکەرۆ'
سەردارو یەنەکەی بافڵ تاڵەبانی جە پەیامێوە مبارەکبایینە بۆنەو هۊرچنیەو پارێزگارو کەرکوکیۆ ئەرەیاۋناش کە کەرکوکی مکەرا بە شارو پێوەرە ژیۋای و سیاسەتوو مام جەلالی جابەجێ مکەرا.
سەبارەت بە هۊرچنیەو رێبوار تەهای پېسە پارێزگارو کەرکوکی، سەردارو یۆبیەی نیشتمانیی کورڎەسانی (یەنەکە) بافڵ تاڵەبانی پەیامێوەش ئەرەیاۋنا.
بافڵ تاڵەبانی باسش چانەیە کەرد کە یەنەکە جە کەرکوکەنە سیاسەتوو مام جەلالی ڕاوەبەرمکەرۆ و ئانەش وست ڕووە کە وەڵۍ ئانەینە پەی کوردەکا هەرمانە بکەرمۍ پەی گرڎوو واڵە و براکا تەریما هەرمانە مکەرمۍ".
باسش چانەیچ کەرد، "پەنەوازا کەرکوکی ئاشتبکەرمێوە و بکەرمێش بە نموونەو پېوەرە ژیۋای و دۆڵەمەڼی و ئارامی، هیواڎارەنا دماو چن ساڵێوەتەری جیای ئانەی بواچمۍ کێشەو کەرکوکی، بواچمۍ گەرەکمانە ئێگەیچ پېسە کەرکوکی بۆ".
سەردارو یەنەکەی ئاماژەش پانەیچ دا: "مبارەکبایی جە گرڎوو هەڤاڵاما و تەماموو چین و توێژەکا کەرکوکی مکەرو، قەولشا پنە مڎەو کە یۆبیەی نیشتمانیی کورڎەسانی سیاسەتوو سەرۆک مام جەلالی جابەجێ مکەرۆ گرڎوو لایەنەکا بە چەمێوە تەماشە مکەرمۍ و تەنانەت لایەنەکا تەریچ وەڵۍ ۋێمانە منیەیمېرە".
