ناوەنڎوو ئەرەیاۋنا و چاپەمەنی هەپەگەی ئەرەیاۋنېوەش ۋەڵاکەرڎۆ و ئەرەیاۋناش، بۊنەو ٤٥ەمین ساڵیاڎوو ئەرەمەرزناو پەکەکەیۊ، هێزەکۍ گەریلای چالاکیېوە شۆڕشگێڵنیشا ئەنجامدان.

جە ئەرەیاۋناکەینە ئامان: "گەریلاکاو ئازاڎیی کوردسانی بە دڵسۆزیېوە گۊرۊ پۍ ڕابەر ئاپۆی، سەروو ڕێبازوو گەشمەرڎا و بە ڕۆحوو سەرکۊتەی عەگیدی و زیلانەکاوە، پێشوازی جە ٤٥ەمین ساڵیاڎوو ئەرەمەرزناو پەکەکەی کەرا. گەریلا دەنگ و داستانوو ٤٥ ساڵ کۊشیاین دژوو ئەرەگیری و بە ڕۆحێوە فیدایی و بەبێ پڕچیای دڕێژە بە کۊشیای مڎۊ. هێزەکېما بە ئۆپەراسیۆنێوە شۆڕشگێڵنی دەسشا بە ٤٦ەمین ساڵەو کۊشیای ۋېشا کەرڎ، جە ٢٠و تشرینوو دووەمینە گۆرزێوە گۊرېشا جە سوپاو تورکی ئەرەگیری شانا. ئی ئۆپەراسیۆنە شۆرشگێڵنییە پۍ سڵامکەرڎەی جە هەڵمەتەو ئازاڎیی پۍ ڕابەر ئاپۆی و سەرەتاو ٤٦ەمین ساڵەو کۊشیای پەکەکەی ئەنجامدریا".

"هێزەکېما جە مېڎانوو مدرامانوو کەشوو ئامێدی جە ٢٠ و تشرینوو دووەمی سەعات ٧:٢٠ دەیەقۍ ئۆپراسیۆنێوە شۆڕشگێڵنانەی ۋەرفراوانشا ئەنجامدا. جە چوارچێوەو ئۆپەراسیۆنەکەینە جە کەشوو گەشمەرڎە جەسوری، گەشمەرڎە جەمرەی و کەشوو گەشمەرڎە پیردۆغانی جە مېڎانوو مدرامانوو کەشوو ئامێدی، گورزە جە هێزەکا ئەرەگیری تورکی شنیا. ئی ئۆپەراسیۆنە شۆڕشگێڵنییە جە یەرۍ مەنتیقۍ جیاوازېنە بە چنڎین قۊڵۍ ئۆپەراسیۆنی، بە تاکتیکی جیاواز و جە یەک وەختەنە ئەنجامدریۍ. گەریلاکۍ ئازاڎیی کوردسانی بە ئازایەتیېوە بەرز و ڕۆحی فیداکارانەی ئاپۆیی ڕۆژهات زیلانی و ئەرداڵ شاهینەکاوە هۊرشا کوا سەروو دوژمنی و گورزێوە کوشندېشا ۋنەشانۍ. چی ئۆپەراسیۆنە شۆڕشگێڵییەنە ٤٩ ئەرەگیرۍ سزا دریۍ. حەرپاسە 21 خێمۍ و 12 سەنگەرۍ تێکدریۍ. هەڤاڵەکېما کە سەرمەشقایەتی قۊڵەکا ئۆپەراسیۆنیشا کەرڎ، جوان و ئەندۆک، فیداکارانە جەنگشا کەرڎ و گەشمەرڎۍ بیۍ.

سەبارەڎ بە ئۆپەراسیۆن دژوو ئەرەگیرا جە مېڎانوو گەشمەرڎە جەسورینە؛

باڵەکۍ ئۆپەراسیۆنی چی شۊنانە ۋېشا خزنا دلۍ ئەرەگیرا و بە تاکتیکوو هجومبەردەی جە دوژمنیشا دا. هێزەکېما بە چەکی تاکەکەسی و نیمچە ئۆتۆماتیکی هجومشا کەرڎ سەروو ئەرەگیرا و ٣ سەنگەرۍ و ٨ خێمېشا تێکدۍ و ٩ ئەرەگیرېشا بە سزایاونۍ. ئەرەگیرەکۍ جە مېڎانوو گەشمەرڎە جەسوری دماو گورزەو هێزەکاما، دەسبەردارۍ سەنگەرەکاشا بیۍ و بڕەمۍ.حەرپاسە بە چەکی نیمچە ئۆتۆماتیک و چەکی قورس هجومکریا سەروو باقی ئەرەگیرا و ٢ سەنگەرۍ تێکدریۍ. هامڕېما جوانە کە فەرماندەیی ئی باڵە و ئۆپراسیۆنە شۆڕشگێڵییەکەرۍ ، بە ورېوە بەرز و ڕۆحی فیداکارییوە هورشکوا سەروو دوژمنی و جەنگش کەرڎ و گەشمەرڎۍ بیە.

ئۆپەراسیۆن دژوو ئەرەگیرا جە مېڎانوو گەشمەرڎە جەمرەینە؛

باڵی یوۋەم و دووەموو ئۆپەراسیۆنەکەی ۋېشا خزنا دلۍ ئەرەگیرا و بە تاکتیکوو هجومکەرڎەی دېشا ۋنە. باڵی دووەم بە چەکی تاکەکەسی و نیمچە ئۆتۆماتیکی جە خێمەکا ئەرەگیراشا دا. هێزەکېما لووۍ دلۍ خێمۍ و سەنگەرەکاو ئەرەگیرا و چا ٢٥ ئەرەگیرېشا سزادۍ، ٨ خێمۍ و ٥ سەنگەرېشا شېونۍ. حەرپاسە گورزەشا جە ٥ خێما شانا. هەڤاڵما ئەندۆک کە فەرماندەو ئی باڵە و ئۆپراسیۆنە شۆڕشگێڵیە بۍ، بە ورەی بەرز و ڕۆحی فیداکارییوە هورشکوا سەروو دوژمنی و جەنگش کەرڎ و گەشمەرڎە بی.

ئۆپەراسیۆن دژوو ئەرەگیرا جە مېڎانوو گەشمەرڎە پیردۆغانی؛

هێزەکېما یەرۍ قۊڵېوە هۊرشا کواسەروو ئەرەگیرا و بە تاکتیکوو هجومبەرڎەی دېشا ۋنە. قۊڵوو یووەم و هجومەکەی جە نزیکۊ هجومش کەرڎ سەروو ئەرەگیرا کە ۋېشا مېڎانەکەنە شارتەبېوە. بە چەکی تاکەکەسی و بۆمبی دەسی هجومشا کەرڎ سەروو ئەرەگیرا، ٤ ئەرەگیرۍ سزادریۍ و ٢ سەنگەرۍ تێکدریۍ. حەرپاسە باڵی دووەم و یەرەم و هجومەکەی بە بۆمبی دەسی و چەکی تاکەکەسی جە نزیکۊ هجومش کەرڎ سەروو ئەرەگیرا. جە جەنگېوە سەختەنە کە ٢٠ دەیەقېش خواینا، ١١ ئەرەگیرۍ سزادریۍ و ئەرەگیرەکۍ ناچارۍ بیۍ تا ئاستێوە بلا دماوەو کیشیاوە.

هاموەخت مېڎانوو کۆماندۆی و مېڎانوو مدرامانوو تەپ و هەکارینە بە چەکی قورس هجومکریا سەروو ئەرەگیرا".