ئێران سزاو زیندانیکەردەیش ملوو دوێ ژەنە ڕۆانەمەوانارە سەپنا
دادگاو پۆرەوەلوای تارانی، حەر یۆ جە ژەنە ڕۆنامەوانا ژنە؛ نیولوفەر حامدییە و ئیلاهە محەمەدییە بە شش ساڵێ زیندانی سزا دریا.
پارێزننەراو ئا دوە ژەنە ڕۆنامەوانا ١١ وئابینە ئەرەیاوناێوەنە ئاماژەشا پانەیە دا کە دادگاو تارانی سزاش پەی ئا موەکیلاشا بڕیێنۆ.
پارێزننەرێ ئاماکەشا پانەیە دا بە تۆمەتەو 'هامکاریکەردەی وەڵاتە بیانییاوە' جە ئەرەنیشتەی ئەوەڵوو دادگاینە سزاو ٢٥ ساڵا زیندانییش پەی ئا دووە ژەنە ڕۆنامەوانا بڕیاوە، وەلێ دماو لوایۆپۆرەو قەرارەکەی ئا دووە ژەنە ڕۆنامەوانێ چا تۆمەتا بێتاوانێ بەرێشیێ دادگاو لوایۆپۆرەی بە تۆمەتەو 'پڕوپاگەندەی دژوو ڕژێم'ی سزاو ساڵێوەش بە تۆمەتێ تەرێچ بە پەنج ساڵێ زیندانی و بە گردیوە شش ساڵێ سزا دریێنێ.
پارێزنەرێ ئاماژەشا پانەیە دا، ئا دۆسیێ دژوو موەکیلەکاشا کریێنێوە، پێوەسا بە ڕووەماڵوو مەردەی ژینا ئەمینیێ و وێنیشانەدای دژ بە کوشیای ئا کناچە کوردێ ساڵەو ٢٠٢٢.
نیلۆفەر حامدییە و ئێلاهە محەمەدییە ساڵەو ٢٠٢٢ێنە دووێ بێنێ چا ڕۆنامەوانا سەروو کوشیای ژینا ئەمینێ و سەروو کوشتەیش هەواڵێشا ئامادێ کەردێبێنێ.
