ئێرانەنە ٤ زیندانیێ تەرێ دریێ قەنارە
دەسەڵاتوو ئێرانی بەینوو ١٣ و ١٥و ئابینە زیندانەکاو ئێرانی و وەرکەوتوو کوردسانینە، ٤ زیندانیێ تەرێشدێ قەنارە کە یەرێشا کوردێنێ
تۆڕەو مافەکاو ئینسانوو کوردسانی ئەرەیاوناش بەینوو ١٣و ١٥و ئابینە دەسەلاتوو ئێرانی بە تۆمەتێ جیاوازێ ٤ زیندانیێ زیندانەکاو کەرەجی و سنەی و سەبزاوەریشدێ قەنارە.
بە پا ئازانیارییاو تۆڕەو مافەکاو ئینسانو کوردسانی کە وەڵێش کەردێنیوە، یۆ جە زیندانییەکا نامێش پەیمان ئەڵاوەیسی (٣٧ ساڵ)ەن و خەڵکوو سنەین و ٥ ساڵێن ئینا زیندانەنە و زیندانوو سنەینە دریان قەنارە، زیندانێوە تەر بە نامێ ناسر شەفیعی کە خەڵکوو شاروو تیکابەین و ٥ساڵێن ئینا زیندانەنە و زیندانوو کەرەجینە دریان قەنارە.
زیندانیێوی تەر نامێش سەعید نیازیین خەڵکوو لوڕستانین و چوار ساڵێن زیندانوو کەرەجینە گیریان و هەمان زیندانەنە دریان قەنارە.
زیندانیێوی تەر نامێش ڕەزا زەردکوهیی خەڵکو دەگاو زەردکوهوو سەر بە شاروو سەبزاوەروو خۆراسانین و چند ساڵێوەن گیریان و زیندانوو سەبزاوەرینە دریان قەنارە.
یاگێ واتەینە سەروو ساڵێوە تا ئیساتێ دەیا کەسێ زیندانەکاو ئێرانییەنە دریێنێ قەنارە، سەدا کەسێچ سزاو قەنارەیشا ملەرە سەپیێنە و فرێشا بە تۆمەتێ سیاسیێ وسیناریۆو دەسەڵاتی سزا مدریانە.
