کۆردیناسیۆنو یۆبیەی ئەرەیاۋنای دیموکراتیکی (یەرەدە) دەربارەو گەشمەرڎەبیەو ڕۆسیدا مێردینۍ ئەرەیاۋنێوەش ۋەڵاکەردۆ و ئاماژەش پانەیە کەرد کە گرڎ گەلێوە خاوەنو قارەمانی قەوەتینۍ و ئانەش وستەن ڕووە: "ئا قارەمانۍ تەنیا جە ۋییەرڎەنە نیەنۍ. بڕۍ وەختۍ ئینۍ یاگێنە کە نمەتاومۍ بوینمێشا، بڕۍ وەختێچ بە خیاڵ و باوەڕەکاشاوە تێکەڵێما با، بڕۍ ساتێچ ئینۍ یاگێنە کە پەیش لوێنۍ. بەڵام هەر یۆ چانیشا چی ساتەنە ئینۍ مڎرامانی گۆرەنە. گەریلۍ بۆشایی ئاسمانینۍ. بانۍ بە مرۆڤوو چالاکیە پیرۆزەکا. قەسەمی سەرەتا و دمایشا دماییئارڎەی بۍ بە دووژمنی. تەنیا ئامانجشا ۋۍ یاونایبۍ بە ڕابەر ئاپۆی و دەسەبەرکەردەی ئازاڎیی ئی گەلەیە."

جە درێژەو ئەرەیاۋناکەینە قەولوو بەدیئامای وەرم و خیاڵەکا گەشمەرڎۍ دریان و ئامان: "بە وەشەسیای و پنەزانایۆ یاڎو هەمڕێما بەرزڕاگێرمۍ و قەولوو خاوەنداریکەردەی جە خیاڵ و ئاواتەکاش مکەرمۍ و میاونمێشا بە سەرکۆتەی."

هەر جە ئەرەیاۋناکەینە باس جە خەباتو ڕۆسیدا مێردینۍ کریان و ئەرەیاۋییان: "هەمڕا ڕۆسیدا جە ئەرەکۊشای ئازاڎیمانە پەی ئانەی ژەنی بۆ بە خاوەنو شناسنامەو ئاژیتاسیۆن-پروپاگەندەی دەورێوە گۊرەش گێڵنا. پەی ئا هەرمانێچە قوڵایی ئایدۆلۆژی و باوەڕداری ۋێش جە پراکتیکەنە بەروست. بە جەنگاوەری، نویسەری، پەیامنێریی و ڕۆنامەوانیی بیە بە سیمبولەو کەسایەتی یەکانگیری و یاوا بە کارەوانو گەشمەرڎا چاپەمەنی کە مېڎانوو ژیۋای ئازاڎییشا ئەرەمەرزنا." ئەرەیاۋنانیچش؛ هەمڕا ڕۆسیدا دژو میدیاو سیستەمی پیا سالاری بە قەوەتکەردەی چاپەمەنی ژەنۍ بە ئاماڎەکەردەی هەواڵی ڕەنجێوە گۆرەش کێشت، هەر کاتۍ پەنەوازش کەردەبیۍ بۍ بە میلییتانۍ و جەنگ کەرۍ.

'جە گرڎ ئاژێوە سەختەنە ئەرەیاۋنایش ڕاوەبەر کەرد'

جە دمادمایی ئەرەیاۋناکەینە ئامان: "جە گرڎ ئاژێوە سەختەنە هەرمانەو ئەرەیاۋنای ڕاوەبەرە کەرۍ و بیە بە یووە جە نوێنەرا بە قیمەتوو نەریتو چاپەمەنی ئازاڎیی. جە گرڎ هرووژمېوە دژمنینە بە ۋێش و کامێرە و تفەنگەکەیشۆ ڕووبەروو ئا هرووژما بێوە و پی جۆرە قەولوو ژیۋای ئازاڎیی و سەرکۆتەیش جە هۆشمانە چەسپناوە."