کەجەکە داواش جە گرڎ لێوە کەرد بە جۆش و خرۆشۆ ١٥و ئابی پیرۆزبکریۆ و ئەرەیاۋناش: "بە گۊرەکەردەی ئەرەکۊشای پەنەوازا فرە زیاتەر چنی گەریلاکاو ئازاڎیی کورڎەسانی بیمۍ کە دژو ئەرەگیری، قڕکەردەی و خیانەتی ئینۍ مڎرامانەنە."
هامسەرۆکایەتی دەسەو ڕاوەبەری کەجەکەی بۆنەو ٤٠ەمین ساڵوەگەڕو هەڵمەتەو ١٥و ئابیۊ ئەرەیاۋنێوەش وەڵا کەردۆ و داواو گۆرەکەردەی ئەرەکۊشایش کەرد.
ئەرەیاۋناکەو کەجەکەی پی جۆرەنە:
"پایۍ وزمۍ دلۍ ساڵەو ٤١ەمینو هەڵمەتەو ١٥و ئابی کە بیەو گەلەکەیماش سەر جەنۆ خوڵقناوە. ئی هەنگامە تاریخی و ماناڎارۍ ماوەو ٤٠ ساڵان بەردەواما و بە بێ مردای وەڵۍ گنۆ. ئی هەڵمەتە تاریخیۍ جە ڕابەر ئاپۆی، قارەماناو هەڵمەتەکۍ، گەشمەرڎا گەلوو کورڎەسانی وڵاتپارێزنی و گەلا چێردەسەو جهیانی و دۆسەکاما پێرۆز مکەرمۍ. سوپاسو گرڎ کەسێ مکەرمۍ کە چی هەڵمەتە تاریخیێنە ڕەنجشا کێشان. جە کەسایەتی قارەمانو هەڵمەتەکێنە فەرماندەما هەمڕا عەگید- مەعسوم کۆرکمازینە گەشمەرڎا دیموکراسی و گرڎوو گەشمەرڎا شۆڕشی جارێوەتەر بە رێز، وەشەسیای و پنەزانایۆ یاڎۍ مکەرمێوە و بە ڕێزۆ سەرەو ۋێما ئاستشانە منامنمێرە. قەولما واوەی مکەرمێوە تا بەدەسئاردەی سەرکۊتەی سەرو ڕاو ئاڎیشاوە بەردەوامۍ نیمۍ.
هەڵمەتەو ١٥و ئابی بیە بە یووە جە هەنگامە هەرە گەورە و ماناڎارەکا تاریخی. گەلوو کوردی دلۍ لەپو ئەرەگیرکاری و قڕکەردەینەبۍ، بە هەڵمەتەو ١٥و ئابی سەرجەنۆ ۋێش ژیۋناوە، بیۆ بە خاوەنو ئیراڎەی، هۆشمەندی و شناسنامەی. جە کورڎەسانەنە دمایس بە تاریخو نکۆڵی، دماکۊتەیی و ئەرەگیری ئاورد، تاریخو ڕۊشنای، ئازادیی و دیموکراتیش دەسپنەکەرد. گەلوو کوردی بە هەڵمەتەو ١٥و ئابیوە بی بە خاوەنو شەرەفی و شکۆی بەرزی. هەنگامەو ١٥و ئابی ئەنجامەکێش جە ئاستی هەرێمی و مېیاننەتەوەیینە وەشبی. کاریگەری پارادایمەکاو ڕابەر ئاپۆی جە جیهانەنە، ئاستو سەرمەشقی ژەنا کورڎی جە ئاستو ئەرەکۊشای ئازاڎیی ژەنێنە، دووۍ کۆڵەکۍ بنەڕەتی هەڵمەتەو ١٥و ئابی جە ئاستی هەرێمی و مېیاننەتەوەیینە. ئی تایبەتمەندیۍ گرڎ گرنگی تاریخی هەڵمەتەو ١٥و ئابی بەروزۆ. ڕابەر ئاپۆ گرڎ کاتێ ئانەش ڕۊشن کەردەنۆ هەڵمەتەو ١٥و ئابی بە تەنیا چالاکی سەروازی نیا، هەرپاسە نەک بە تەنیا جە کورڎەسانەنە، جە هەمان کاتەنە ئینا وەڵێکۊتەی دیموکراتیکی و گەردوونینە. تا کاتی زیاتەر سەرو هەڵمەتەکێرە ۋیەرۆنە، ڕاسی ئینەی زیاتەر بەرگنۆ. هەڵمەتەو ١٥و ئابی هەڵمەتێوە گۊرۍ و تاریخیەنە کە پەنەوازا جە فرەو ڕوواوە چنەش بیاومێنە هەڵوێسەش سەر بکەرمۍ. وەڵۍ گرڎ چێوێنە هەڵمەتەو ١٥و ئابی جە وەڵێکۊتەی نمەمدرۆ و گرڎ کاتێ بەردەوامە بۆ. ماوەو ٤٠ ساڵان ئی هەڵمەتۍ بە بێ مردای بەردەوامەنە و وەڵێکۊتەی گۆرەش وەشکەردەن. ئینەیچ تایبەتمەندیێوە فرە گرنگ و سەرنجڕاکێشو هەڵمەتەو ١٥و ئابینە. بێگومان یۆ چا خاڵا کە پەنەوازا سەرش مردمۍ و بیاومێشەنە، ئەنەیاواین جە ئاژەو کاتو دەسپنەکەردەی هەڵمەتەو ١٥و ئابی، ئاشنابیەین بە کەسایەتییە تاریخیەکا ئی هەڵمەتۍ. بە ئاشنابیەی و ئەنەیاوایشا، کردەوەکۍ عەقڵیەتو نکۆڵیکەردەی نەژاڎپەرسی، قڕکەردەی جە دژوو گەلوو کوردی؛ بە ئەنەیاوای جە قڕکەردەی گەلوو کوردی کە کولتور، زۋان، شناسنامە و وڵاتەکەش چنە قەڎەغەکریان، بە ئەنەیاوای کۆمکوژی، فشار و ئەشکەنجەو تاوانەو فاشیستی ١٢و ئەیلولی کە جە گەلا و شۆڕشگێڵناش کەرد، بە زانای یاڎکەردەیۆی گەورەو مەزڵوم، کەمال، خەیری و ساکینەکا جە زیڼانو ئامەدینە دژوو ستەمی فرە سەختی مڎرامانشا کەرد، متاومۍ جە هەڵمەتەو ١٥و ئابی بیاومێنە. هەرپاسە پەی ئانەی ئی هەڵمەتۍ ڕۆشنەبۆوە پەنەوازا ئینسان وەشەسیای پەی گەل و نیشتمانی، ویستی گەوره پەی ئازاڎیی سەرمەشقا ئا هەڵمەته تاریخیۍ بزانا.
هرووژمە قڕکاریەکۍ کە ئارۆ سەرو گەلەکەیما بەردەوامیشا هەن، ئانەی بەروزا کە ئەرەکۊشای هامشێوەو ١٥و ئابی چڼە پەنەواز و زیڼەن. ئاشکران پېسە گەلی تەنیا بە رۆحو هەڵمەتەو ١٥و ئابیوە متاومۍ جە ۋەرا ۋەرو هرووژمە ئەرەگیریەکانە مردمێوە. و ئین مسۆگەرا؛ کە بە ئەرەکۊشای سەرو رێبازو هەڵمەتەو١٥و ئابی متاویۆ هرووژمە ئەرەگیریەکۍ بماڕیا و دووژمنی ئەرەگیر و دلێنەبریۆ. ۋەروئانەی هەڵمەتەو ١٥و ئابی نامێش ئیرادە، سەرجەنۆ بیەی و سەرکەوتەین. ۋەرو ئی مەڵامەتیە مشۆم بە عالی جە هەڵمەتەو ١٥و ئابی بیاومێنە و زیڼە ڕاش گێرمۍ. پېسە هێزی پەنەوازما پانەینە جە ئی هەڵمەتە تاریخیۍ کە بیەیماش سەر جە نۆ ژیۋناوە، بیاومێنە و بەردەوامیش پنەبڎەیمۍ.
گەریلاکاا ئازاڎیی کورڎەسانی دژوو هرووژمە ئەرەگیریەکا بە فیداکاری و قارەمانیێوە گەورۆ ئینۍ مڎرامانەنە، هەڵمەتەو ١٥و ئابی و ڕێبازو فەرماندەی گۆرەو ئی هەنگامۍ هەمڕا عەگیدی بەردەوام مکەرا. پی بۆنۆ جارێوەتەر سڵام جە هەڵوێسی ماناڎار و مڎرامانی بێهامتاو گەریلای مکەرمۍ و جەژنەو ژیۋایۆ ١٥و ئابی جە گرڎوو هەمڕایاما پیرۆز مکەرمۍ. پەنەوازا گەلوو کورڎەسانی جە گرڎ یاگێنە بە جۆشوخرۆشۆ هەڵمەتەو ١٥و ئابی پێرۆزبکەرۆ. سەرو ئی بنەمایۍ پەنەوازا جە گرڎ یاگێنە ئەرەکۊشای گۊرەبکەرۆ، چنی گەریلاکاو ئازاڎیی کورڎەسانی بۆ، کە دژو خیانەتی، قڕکەردەی و ئەرەگیری ئینۍ مڎرامانەنە و ئەرەکۊشای بیاونا بە سەرکۊتەی."
