ئەرەیاۋناو ناوەنڎو یاۋنەری و چاپەمەنی هەپەگەی پی جۊرەنە:

" ١٠و ئایارو ٢٠٢٣ېنە جە مێڎانو گارەی جە ئاکامو روۋەدایێنە ھامڕاما دیار خۆشناو گەشمەرڎەبی. ھامڕاما دیار کە بە هەست و وشیاریێوە نەتەوەییوە بەشڎاری کۊشیاو ئازاڎیی کورڎسانیش کەرڎەبۍ رۊڵێوە قارەمانو پانیشتوو کورڎسانی بۍ، پی بەشڎارییە شکۊمەنڎانەیە، پۍ گرڎو جوۋانا کورڎسانی و بەتایبەتی جوۋانا پانیشتوو کورڎسانی بی بە نمونە. ھامڕاما دیار کە بە وەشەویسی ۋڵاتەکەیشۊ دژوو سیاسەتەکا پەناھەنڎاکەرڎەی وەران ۋەر بە جوۋانا کورڎی و وەرمو درۊیینەو ئازاڎیی کۊشیایش ھۊرچنی، بە پراکتیکی سەرکۊتانە ۋېش و کەسایەتی ئاپۆیی ۋېش ئیسپادش کەرڎ کە ئازاڎیی راستەقینە ئینا کەشەکا کورڎسانینە.

ھامڕاما دیار جە دژوو ھجومە ئەرەگیریەکا دەوڵەتو تورکی ئەرەگیری دلۍ گەلەکەیمانە جە پانیشتوو کورڎسانی بەرکۊت و بەشڎاری ریزەکا گەریلایش کەرڎ. ئا بەشڎاربیەیشە پۍ خانەواڎەکەیش و پۍ گرڎو گەلوو پانیشتوو کورڎسانی مایەو سەربەرزیین و ئاڎ ڕاو کۊشیایش نیشانەدا. وەعدو ۋېما پۍ یاڎکەرڎەیۊ ھامڕایما دیاری واوەی کەرمێوە و سەرەوەشی جە گرڎو گەلی ۋڵاڎپارێزو پانیشتوو کورڎسانی و بەتایبەتی خانەواڎەی بەڕێزیشا کەرمۍ.

ئشناسنامەو هەڤاڵ دیار خۆشناوی پی جۊرنە:

ناسنامۍ: دیار خۆشناو

نامۍ و دمانامۍ: چاوان محەمەڎ

یاگۍ جە ئەڎابیەی: هۊلێر

نامۍ ئەڎۍ- نامۍ تاتەی: لەیلا- محەمەڎ

وەخت و یاگۍ گەشمەرڎەبیەی: ١٠و ئایارو ٢٠٢٣/ گارە

ھامڕاما دیار جە خانەواڎېوە ۋڵاڎپارێز و هۊلێرینە جە ئەڎۍ بیەن، جەنگو گەریلای دژوو چەتەکا داعشینە تەئسیرش سەر نیارەو سەرەتا دلۍ جەمەکا جوۋاناوە دەسش بە کۊشیای کەرڎ و دماتەر بەشڎاری ریزەکا گەریلایش کەرڎ.

ھامڕاما دیار کە ساڵەو ٢٠٢١ی پڕاوە پۍ هەرێمو گارەی، بەشڎاری خەباتەکا ئا مێڎانەیشە کەرڎ. حەرچنڎە گەرەکش بۍ بلۊ پۍ ئا هەرێما کە جەنگ دلێشانە دژوارا، پۍ ئانەی ئەزمونی سەروازی زیاتەر بەدەسبارۊ، جە هەرێمو گارەینە ئەرکش پنە سپاریا. چا بەشڎاری چنڎین ۋنەکۊڵیایاش کەرڎ، بە تایبەتی جە روو ئاماڎەکەرڎەی پۍ جەنگو تونێلەک. بە رەنج و کۊشیای ۋېش بی بە جەنگاوەرێوە ئاپۆیی کەبیەبۍ نمونە پۍ گرڎو ھامڕایاش.

ھامڕاما دیار جە وەختو ئاماڎەکارینە پۍ جەنگی بە روۋەدایۍ ناوەش گەشمەرڎەبی و ئا گەشمەرڎەبیەیچشە بی بە مەڵامەتو خەمباری و دڵتەنگی پۍ گرڎو ھامڕایاش. ئێمە پێسە ھامڕایاش کە پەی ئازاڎیی گەلەکەیما جە هەمان مەجالەنە جەنگ کەرمۍ، جە کەسایەتی هەڤاڵ دیارینە ئێمە حۊل مڎەیمۍ کە شایەنو گرڎو گەشمەرڎاما بیمۍ و وەعد واوەی کەرمێوە کە گوڕ پی ئەرەکۊشایە بڎەیمۍ".

هـ . ش