هەپەگە ئشناسنامەو گەشمەرڎا خواکورکیش ئاشکرا کەرد و ئەرەیاۋناش، "هەمڕێما سەما، باهۆز و فرات بەشداریشا جە چڼین کۊششێنە کەردەبۍ جە هەرێمە جیاجیاکانە، بیۍ بە نمونەو جەنگاوەرا نمونەیی، بە بەشداربیەی ۋێشا سەرکۊتەی گۊرەشا خوڵقنا ".
ناوەڼو ئەرەیاۋنای و چاپەمەنی هەپەگەی جەبارەو ٣ گەریلایا گەشمەرڎەیۆ ئەرەیاۋناش:
"جە نیسانو ٢٠٢٤ینە جە ئاکاموو هرووژمەکا دوژمنینە پەی سەرو هەرێموو خواکورکی، هەمڕێما سەما، باهۆز و فرات گەشمەرڎۍ بیێنۍ.
هەمڕێما سەما، باهۆز و فرات کە کە مەتەرسی قڕکەردەی کولتوری و جەستەیی سەرو گەلەکەیما بە قوڵایی خانەکا جەسەیشا هەست پنەکەرێنۍ، پەی ئانەی بانۍ پا حەقەتینەو گەلی کە خولقنانش، تێکەڵ بە ریزەکاو ئەرەکۊشای ئازاڎیی بیۍ. ئا هەمڕا بەقیمەتەما کە پەی مسۆگەرکەردەی ئازاڎیی گەلەکەیما ۋێشا پەی گرڎ جۆرە فیداکاریێوە ئاماڎەکەردەبۍ، بە ئەرەکۊشای ئەفسانەیی ۋێشا دلۍ ریزەکاو گەریلاینە، ئانەشا سەلەمنا. هەمڕێما سەما، باهۆز و فرات دلۍ هەلومەرجی هەرە دژواری و سەختتەرین کاتەکانە بە ئیراڎەی ئاپۆیی لوۍ سەرو دوژمنی، بە مڎرامانوو ۋێشا نیشانەشادا کە جەنگاوەری ئاپۆیی نمەبەزیۆ. هەمڕێما سەما، باهۆز و فرات تێکەڵ بە کار و خەباتەکا جە هەرێمە جیاجیاکانە بیۍ، بیۍ بە جەنگاوەرۍ نمونەیۍ، بە بەشداربیەی ۋێشا سەرکۊتەی گۊرەشا خوڵقنا و بە پاو زېڵۍ سەردەمی کە جەوهەرەکەش فیداییبیەین ئەرەکۊشۍ. هەم جە خەبات و هەمیچ دلۍ چالاکیەکانە بێ دووەدڵی ئەرەکۊشۍ، سەرکۊتەیشا کەرد بە مەراموو ۋێشا و پەی ئێمە بیۍ بە سەرچەمەو هێزی و ورەی. ئا هەمڕێما سەما، باهۆز و فرات یاڎیی پەڕ شکۊشا و ئا ئەرکەی پەی ئێمەشا جیائاست کە مشۆم بە دڵنیاییوە بیاوۆ بە سەرکۆتەی.
پېسە هەمڕایاشا ئێمە قەول واوەی مکەرمېوە کە لایەق بە هێڵۆو ئەرەکۊشای هەمڕایاما سەما، باهۆزی و فراتی بیمۍ. سەرەوەشی جە گەلی وڵاتپارێزنوو کورڎەسانی بەتایبەتی بنەیانەی قارەمانو ئا هەمڕایاما مکەرمۍ.
زانیاری سەرو ئشناسنامە و هەمڕایاما پی جۆرەنە:
ناسنامۍ / سەما جویا چەولیگ
نامۍ و دما نامۍ / زیلان ئازاک
شۊنەماو جە ئەڎابیەی / چەولیگ
نامۍ ئەڎۍ و نامۍ تاتەی / گوڵتەن- یوکسەل
شۆنەماو کاتوو گەشمەرڎەبیەی / نیسانو ٢٠٢٤/ خواکورک
*****
ناسنامۍ / باهۆز هەولێر
نامۍ و دما نامۍ / فەواز ئۆسۆ
شۊنەماو جە ئەڎابیەی / کۆبانێ
نامۍ ئەڎۍ و نامۍ تاتەی / عەدولێ- مەحمود
شۆنەماو کاتوو گەشمەرڎەبیەی / نیسانو ٢٠٢٤/ خواکورک
*****
ناسنامۍ / فرات هارون
نامۍ و دما نامۍ / خەلەف کاراجان
شۊنەماو جە ئەڎابیەی / رحا
نامۍ ئەڎۍ و نامۍ تاتەی / ساڵیحە- محەمەد
شۆنەماو کاتوو گەشمەرڎەبیەی / نیسانو ٢٠٢٤/ خواکورک
