سیاسەتمەدارا ئاماژەشا پانەی کەرد کە کۆمیسۆنو مافەکا مرۆڤی و سی پی تی هەنگامەو چارەسەری مژارو گۆشەگیری ئیمراڵی نمەگێرانە ۋەر و واتشا: "بە خاترەو مەسڵەحەتە سیاسیەکاشا مافە بنەڕەتییەکا مافو مرۆڤی پاشێل مکەرا."
دژ بە قسەکا کۆمیتەو ڕاگێرتەی جە ئەشکەنجەو ئەوروپای (سی پی تی) پێوەس بە گۆشەگیری سەرو ڕابەرو گەلوو کوردی عەبدوڵا ئۆجالانی، بەشێوە فرە جە چالاکا، سیاسەتمەدارا، پارێزنەرا مافەکا مرۆڤی و ڕێکوستەکا ناڕەزاییشا نیشانە دا.
پارێزنەرو نوسینگەو یاسایی ئەل قەرنی، ئانەش دەسنیشانکەرد کە کۆمیسۆنو مافەکا مرۆڤو ئەوروپای جە مژارو عەبدوڵا ئۆجالانینە دادپەرەوەرانە نمەجمۊوە، سیاسەتمەداری میسری زەلمی زۆهدی و هامسەرۆکەو کۆنگرەو نەوەتەیی کورڎەسانی زەینەب مورادە سەبارەت سەبارەت پی مژاریە پەی ئاژانسیما قسێشا کەردۍ.
ڕامی زۆهدی ئاماژەش پانەیە کەرد کە ئەوروپا ئاستو قەزیەو ڕابەرو گەلوو کوردی عەبدوڵا ئۆجالانینە هۊرگیرو پیمانۍ دوولایەنەین و واتش: "ۋەرو مەسڵەحەتی نەتەوەیی پەیوەندیداری، وڵاتا ئەوروپای ئەرەمەرزیا مېیاننەتەوەیی و ئەوروپییەکا پەی ۋێشا بەکاربەرا. حەرپاسە پەی مەسڵەحەتە سیاسیەکایچشا. ئینەیچ ئانەی نیشانە مڎۆ کە سی پی تی بە هەڵوێسە ستانداردە دووە لایانەکا وڵاتا ئەوروپییوە پێوەسا. ئینەیچ پاشێلکەردەی مافەکا مرۆڤیا. فرەو وڵاتا ئەوروپای مەتڵەبشا چارەسەری پەرسو کوردیی نیا، پۊکاتی بێدەنگیشا هۊرچنیەن."
هەر سەربارەت بە هەمان مژاری هامسەرۆکەو کۆنگرەو نەتەوەیی کورڎەسانی زەینەب مورادە باسش چانەیە کەرد تاریخ هەڵوێسی دژ بەکوردانەو وڵاتا ئەوروپیش بەروستەن، جە ئیساتێچەنە دژو پەرسەکا ۋەرکۊتوو مېیامینی سیاسەتی دووە فاقی بەکار بەرا و واتش: "بە تایبە جە ئەرەنیشتەیەکاشانە چنی تورکیای ئینە بە ئاشکرا بەرگنۆ. مژارو پەنابەرا پەی مەسڵەحەتوو ۋێش بەکاربەرۆ و سیاسەتشا پێوە مکەرۆ. تورکیا جە دژو یۊبیەی ئەوروپای کارتو پەنابەرا بەکار بەرۆ. مامەڵەش پۆوە مکەرۆ، پۊکەی وڵاتا ئەوروپای چەمپۊشی جە گرڎ پاشێلکارییەکا تورکیای مکەرا."
