فەرماندەیی قەرارگەو ناوەندی یەژاستاری ئەرەیاۋناش، "فەرماندێما جە ئەیالەتو یەژاستاری و جە هەمان کاتەنە ئەندامەو دەسەو فەرماندەیی هەپەگەی و یەژاستاری فەرماندۍ قارەمانەما بەروارە (سەیران چۆماک)ە جە ٨و ئابو ٢٠٢٤ ینە گەشمەرڎۍ بیە. سەرەوەشی جە گەلی وڵاتپارێزنیما و بە تایبەتی بنەیانەی نیشتمانپەروەر و بەقیمەتوو چۆماکی  و تەماموو ژەنا مکەرمۍ. یووە جە فەرماندە سەرمەشقەکا جەنگی شۆڕشگێڵنی گەلی فەرماندۍ فیداییە و بەقیمەتەما هەمڕا بەروارۍ بە وەشەسیایی، رێز و پنەزانایۆ یاڎە مکەرمېوە و قەولوو وەفاڎاری واوەی مکەرمېوە".

جە ئەرەیاۋناکەینە ئامان: "هەڤاڵ بەروارە دلۍ بنەیانێوە وڵاتپارێزنینە جە ئەلباک جە ئەڎۍ بیە کە چا ناوچەنە کولتورو ۋێڕاگری سەرحەدی و بۆتانی کاریگەریش سەرش هەن، جە دژوو سیاسەتوو ئەسڕیەیۆ و نکۆڵیی دەوڵەتو تورکی فاسیستی-قڕکەری حەجگیز ملش نەڎان. بنەیانە و دەوروبەرەکەش بەمەڵامەتوو وڵاتپارێزنیشاوە فرەو وەختی ڕوو بە ڕوو سیاسەتو چەپەڵی دەوڵەتو تورکی فاشیستی بیێنێوە، بەڵام حەجگیز ۋێدایدەسۆیشا قبوڵ نەکەرد. هامشێوەو فرەو بنەیانا تەری جە کورڎەسانەنە، بنەیانەو چۆماکیچ تەنگوچەڵەمە و فشاری فرەشا وزیا سەر، بە شێوەی ناڕەوا جە ماواو ۋێشانە هۆرتەکیۍ ، بەمەڵامەتوو ئا سیاسەتاو دژمنیچۆ ناچارۍ بیۍ بەرەو ۋەرکۊتوو کورڎەسانی کۆچ بکەرا. هەڤاڵ بەروارە جە لێوە سیاسەتە چەپەڵەکۍ دژمنیش فرە زوو ئشناسۍ، جە لېوەتەرۆ بە هەستوو ئەرەکۊشای ئازاڎیی کورڎەسانی کە بە سەرمەشقایەتی رابەر ئاپۆی وەڵێکۊتەی گرنگش جە کورڎەسانەنە خوڵقنا، گۊرۍ بیە. و کۊتە چێرو کاریگەری ئەرەکۊشای گەریلای، گەشمەرڎا و ئەرەکۊشای ئازاڎیی ژەنۍ. هەڤاڵ بەروارە جە زاوڵەییۆ حەجگیز مرۆڤێوە ئاساییە نەبۍ، ئا ساڵا کە لووۍ پەی ۋەننگەی زیاتەر کۊت دلۍ گېڵای و پەیجوری. جە ساڵەو ١٩٩٩ینە پیلانگێڵنی مېیاننەتەوەیی جە دژوو رابەر ئاپۆی کاریگەری فرەش وست سەرو، ناڕەزایەتیش جە ۋەرا ۋەرو سیاسەتوو دوژمنینە زیاتەر بی و یاوا پا ئەنجامەی کە ئیتر گەرەکش نیا بۆ بە بەشێوە چا سیستمە چەپەڵەیە، هەستوو شۆڕشگێڵنی ئاڎیۍ زیاتەر گەشبیۆ و قەرارش دا بەشداری جە ئەرەکۊشای ئازاڎینە بکەرۆ. هەرپاسە ئا وەختیچە کە هەڤاڵا گەریلایچ جە ۋەرکۊتەنە سەردای بنەیانەو وڵاتپارێزنی ئاڎۍ کەرێنۍ، هەڤاڵ بەروارە فرە کۊتە چېرو کاریگەری هەڤاڵا و هەرپۊکەیچ گەرەکش بۍ کە بەشداری بکەرۆ".

هێڵۊو زیلانۍ و بێریتانێش یاۋنا مەنزڵ

جە ئەرەیاۋناکەو یەژاستارینە ئامان، کە ئا وەختە یووە چا گەریلایا کە هەڤاڵ بەروارە ئشناسێبێش، گەشمەرڎۍ لەیلا ئاگریە بۍ و ئانەیچ وزیا ڕووە، " هەڤاڵ لەیلا پەی ئانەی بلۆ پەی خنێرەی چا کاتەنە پەی خواحافیزی لووا پەی لاو ئاڎیشا، هەڤاڵ باوەرە قەرارشدا کە قەرارو بەشداربیەو ۋێش جابەجێ بکەرۆ و چنی هەڤاڵ لەیلۍ کۊتۍ ڕا. جە هەڤاڵ لەیلێوە فێرە بېیە. دماو پەروەردەی سەرەتایی، هەمڕا بەروارە کە فرە کاریگەری رابەرایەتیش سەر بۍ، بەشداربیەیۍ ئاساییش بە بنەما نەگێرد، پەی ئانەی سەرو هێڵۆو پەکەکەی و پاژکی بۆ بە جەنگاوەرێوە نمونەییە و فیداییەو رابەریما قەرارشدا کە بەشداری هەرمانەکاو هێزی تایبەتی بکەرۆ. ۋەروو ئانەی جە گرڎ هەلومەرجێنە بە شێوەو زیلانۍ بژیۋۆ و جەنگ بکەرۆ، جە ماوێوە کوڵەنە وەڵێکۊتە، دماو پەروەردەو ئایدۆلۆژیکی و سەروازی پەی ئانەی جوابدەرەوۍ رابەرایەتی بۆ جە چوارچێوەو هەڵمەتەو ١و حوزەیرانینە پەی ئانەی جە ریزەکا وەڵێوە بەشدارە بۆ، لە ساڵی ٢٠٠٤ ینە سەرو پێشنیازو ۋێش لووا پەی مېڎانوو دێرسیمی. جە ۋەرا ۋەرو پیلانگێڵنی و پاکتاوکاری دماو ئانەینە، هەڵوێسوو ۋێش پا جۆرە نیشانەدا و تا ساڵەو ٢٠١٣ ی چا مېڎانەنە مەنۆ بە شێوێوە چالاک دەورش گێڵنا. دماتەر قەرارو کیشیایۆ ڕابەریماش بە بنەما گێرت و ساڵەو ٢٠١٣ ی گېڵاوە پەی هەرێمەکاو پارېزنای مەدیای. چا بەشداریش جە پەروەردەو ئایدۆلۆژیکینە کەرد و چېرو چەترەو هێزی تایبەتینە ئەرکی گرنگش گېرت ئەستۆ و بێ دووە دڵی بەشداری کاروبارەکاش کەرد. پەی بەشداری جە جەنگوو گەلی شۆڕشگێڵنینە جە سەرنیشت و سەرو بنەماو بەشداربیەی جە قۆناغەکانە ساڵەو ٢٠١٦ی چنی گروپێوە جە هەمڕایا ژەنۍ ڕووەڎ کەردە ئەیالەتوو سەرحەدی. چا ۋەرپرسیاریۍ تاریخیش بەیاگۍ یاۋنا، جە ساڵەو ٢٠١٦یۆ تا کاتوو گەشمەرڎەبیەیش ئەرکو فەرماندەیی ئەیالەتو سەرحەدو یەژاستاریش جابەجۍ کەرد. هەمڕا بەروارە جە جەنگوو ژیۋای ۋێشەنە فەرماندەیی و گەریلایەتی سەردەمیانەیش سەرو هێڵۊو زیلانۍ و بێریتانۍ ڕاوەبەر کەرد.

ئادە بە باوڕوو وێش پێسەو کەشوو ئاگری قەوەتە و هامڕاێوە نموونەییە بێ  

هامڕا بەروارە بە عەشقوو ژیوای ئازادیوە، بە باوڕ ئیرادە و یارای پێسەو کەشوو ئاگری بییە بە هامڕاێوە نموونەییە، وەختوو بەشدارییش چەنی پەکەکەی تا گەشمەردێ بییە، گردوو بوارەکانە بە ئایدۆلۆژیی و پارادایموو ڕابەرایەتی وێش قەوەت کەرد وبەردش ڕاوە. گرد پەرسێوەنە هۆشیاری، کولتوور و شێوازوو کۆشیای پەکەکەیش جە کەسایەتیی وێشەنە بنیات نیا. حەر وەختێ جەنگ و پراگماتیک فرە بیێ، هامڕا بەروارە بە قوە و عەشق و باوڕۆ کەسایەتی و شوناس و وەفاداریی وێش سەلەمنێ و پێسەو جەنگەوانێوە ئاپۆیێ مانیاینەشناسانە بەشدارەو کۆشیای بێ. بە حەر وەختێوە وێش مانا بەخشێ، هامڕایاش جە گرد جۆرە غەڵەتیوی پارێزنێ، تەنانەت جە هەلومەرجی سەختیچەنە هومێد بە هامڕایاش بەخشێ و ڕاشا پەی ڕۆشنە کەرێوە، حەرگیز بێچارەیی قبووڵ نەکەرێ، پی تایبەتمەندییوە قوەو متمانێ بە هامڕایاش بەخشێ، پێسەو گەریلاێوی سەرمەشقێ ویرێ جە گردوو وردەکارییەکاو ژیوای کەرێوە. بە ڕاسواچی، دڵسۆزی، وەفاداری و وێگەرەکنەبییەی وێشۆ لاو ڕەفێقەکاشۆ یاگێ ڕێزی و حورمەتی بێ. دلێ پەکەکەینە پێسەو فەرماندێوی سەرکەوتێ بەمتمانێ هامڕایەکاش ئشناسیێ. بە تایبەتمەندییە وەڵاتپارێزنییەکەیش و جەماوەرییەکەیش بییە بە کەسایەتێوی ڕیکوزیێ. هامڕا بەروارە شارەزێ جەنگی گەریلایی بێ سەرنیشتەنە بە دیسپلین و زیرەکی پراکتیکوو وێش دوژمنی ماڕێ. پێسەو کۆشەرێوی گەریلای ژەنێ ئازادێ بەشدارەو خەتەو فەرماندەییی جەنگوو گەلی شۆڕشگێڵنی بێ. هامڕا بەروارە، ئاندە کە فەرماندەییش کەردەن بەشداریی چالاکیی سابۆتاژیش کەردەن، دێرسیمۆ تا سەرحەد چالاکیێ فرێش کەردێنێ، هەمیشە بە چەنەئامای وێش جەنگی شۆڕشگێڵنیی گەلیش بەجیددیەتۆ بەرەو سەرکەوتەی بەردەن و بەردەوام پەشتیش بە وێش بەستێنە و سەرجەمێ هێز و مۆرەاڵی بیێنە، بە هەست و یارای و هەقسانایوە ڕووبەڕووەو دوژمنی بیێنۆ، فەرماندێوە چانێ بیێنە، پیسەو سەرچەمەو وەشەسیای بیێنە. بابەتیوەنە کە ئێساڵ نویستەنش باسوو چەمکوو وەشەسیایش کەردەن  پی کەلیما:" وەشەسیای کۆمەڵایەتی و ژیوای پێسەو ژەنێ ئامانجیوی گەورەن، پەی ئینەیچە پەنەوازییش بە هەستێوی گەورەو وەرپەرسی هەن، هێزوو یاواینەی. چی ئامانجانە پەنەوازا مانیاینەشناسانە دژوو دماکەوتەی بگژیەیمێ. ئینسان مشۆم بە چەموو وەشەسیاییوە بدیۆ پەی گردوو چێوەکا، بژیوۆ و بۆ بە لافاوو وەشەسیای ومجیۆرە بەحرەکا. پێسە چەنی هیچ بەنداوێوە نمەتاوۆ ڕا جە بەحرەکا بگێرۆ، هیچ کەسیچ نمەتاوۆ دژوو وەشەسیای بمدرۆ، وەشەسیای سنوورش نییەن. ئوای وەختێو یاگێ پەی وێش موێزۆوە مدرۆ، وەلێ وەشەسیای دمایینامان و هیچ یاگێوەنە نمەمدرۆ. هێز و وزەو سروشتی بەردەوما من ئەرەجیۆم ئی وزە سەرەمڕ دڵیوە مجیۆنە دڵێوی تەری. سەختترین وەختەکاوە تا وەختوو جەیۆیاواینەیە هەمیشە هەن و بەردەواما من دماییناما ڕێبەرایەتی، گيسمەردێ، گەلەکەم، هامڕێکێم، ژەنیی ستەموەنەکریێ و وێگیرێم وەشمسیا." هومێدم هەن بیمێ بە شایەنێ وەشەسیای ئی فەرماندە گەوراما.

گەشمەردەبییەی هامڕا بەروارێ  کاریگەریی فرەش سەروو ئێمە هێزەکاو یەژا ستاری کەرد. جە کەسایەتییشەنە خاوەنداری چا بەهایا مکەرمێ کە بە ڕەنج و مانیای و دڵسۆزی و ئیرادەی بەرزوو گەشمەرداماوە ئامێنێ بەرهەم، خەتەو ڕابەرایەتی مکەرمێ بە بنەماو کۆشیایما، ئامانجوو گەشمەرداما کوردسانیوی ئازادەنە مارمێ دی، وەعدما ئەوەخوای مکەرمێوە کە هەقەو هامڕا بەروارێ و گردوو هامڕا گەشمەردەکاما مکەرمێوە."