فەرماندەیی قەرارگەو مېیانی یەژاستاری جەنگاوەرەو پاژکی و فەرماندۍ یەژاستاری ژیان هەردەمەش بە رێزۆ یاڏەکەردۆ و ئەرەیاوناش: "بەو پەڕو رێزیۆ سەرەو وێما وەرا وەرو ژیوای و مڏرامانو ئاڎێنە منامنمێرە".
ئەرەیاوناکەو فەرماندەیی قەرارگەو مېیانو یەژاستاری پی جۆرەنە:
"ژەنە جەنگاوەرەی سەرمەشقە، شۆڕشگێڵنەی ئازۍ و ژەنە سەرهوردێرەو خەڵکو مێردینی، یۆ جە فەرماندەکا یەژاستاری هەمڕا ژیان هەردەمە ٣٠ نۆوەمبەرو ٢٠٢٣ جە هەرێمەکا پارێزناو مەدیاینە ئا کاتەی سەرو ئەرکەکەیشۆ بۍ جە ئەنجامو هجومێ دژمنینە گەشمەرڎێ بییە.هەمڕا ژیانە گرد کاتێ یۆ جە سەرمەشقا پارتو ژەنا ئازادی کوردەسانی پاژکینە. جە ساڵڕۆو گەشمەرڏە بییەیشەنە بە رێز، وەشەسیایی و پنەزانایۆ یاڎو هەمڕێما بەرزڕاگێرمێ و وەردەمو ژیوای و مڏرامانو ئاڎێنە بەڕێزۆ سەرەو وێما منامنمێرە. جە کەسایەتی هەمڕا ژیانێنە ئێمە گردو گەشمەرڏا گلێرگەو ئەخلاقی و سیاسی، نەتەوەی دیموکراتیکی ویرمارمێوە و قەول واوەی مکەرمێوە کە ئامانج و وەرمەکاشا بەدیبارمێنە. بە گەشمەرڏە بییەو هەر هەمڕێوەما، داواکاری و قەراردایما پەی سەرکەوتەیما گەورەتەر بۆنە. با گردو گەلەکەیما بزانۆ کە ئێمە جە گرڎ کاتێ زیاتەر جە بنیاڎنیاو ژیوای و وڵاتێوە ئازادی کە ئامانجو گەشمەرڏە قارەمانەکامابێ، نزیکېنمێ. هەرپۆکەی زیاتەر جە گرڎ کاتێ پەرە بە ئەرەکۆشایما مڎەیمێ.
پێسەو هەمرایا ئاڎۍ، سەرەتا سەرەوەشی جە بنەیانەی بەقیمەتو هەمڕێما ژیان هەردەمێ و گردو گەلی وڵاتپارێزیما کوردەسانی مکەرمێ و قەول واوەی مکەرمێوە کە ئێمە قیمەتو ئاڎێ بکەرمێ بە پاڵنەرو گەورەکەردەی ئەرەکۆشایما.
زانیاری سەرو شناسنامەو هەمڕێما ژیان هەردەمێ پی جۆرەنە:
ناسنامۍ: ژیان هەردەم
نامێ و دما نامێ: مروەت گوڵسەڤەر
یاگێ جەئەیابیەی: مێردین
نامێ ئەڏۍ- نامۍ تاتەی: کامیلە- عەبدولقادر
کات و یاگێ گەشمەرڏەبیەی: ٣٠ نۆوەمبەرو ٢٠٢٣/ هەرێمەکا پارێزناو مەدیای
