چالاکییەکانی "دەنگت بخەپاڵ ئازادی": تا شکاندنی گۆشەگیری لە چالاکیدا دەبین
بنەماڵەی زیندانیان لەبەردەم زیندانەکان کۆبوونەوە و دووپاتیان کردەوە تا گۆشەگیری کۆتایی نەیەت، چالاکییەکان لە شەقامەکان بەردەوام دەبێت.
چالاکییەکانی "دەنگت بخەپاڵ ئازادی"
چالاکییەکانی "دەنگت بخەپاڵ ئازادی"ـی بنەماڵەی زیندانیان بە داخوازی ئازادی جەستەیی ڕێبەری گەلی کورد عەبدوڵا ئۆجالان و هەڵگرتنی گۆشەگیری لەبەردەم زیندانەکان بەردەوامە.
ئامەد
بنەماڵەی زیندانیان لەبەردەم زیندانی ئامەد کۆبوونەوە، پارتە سیاسیەکان و ڕێکخراوەکان و دایکانی ئاشتی و بنەماڵەی زیندانیان و چەندەها کەس ئامادەبوون، پانکارت و درووشمەکان دژی گۆشەگیری بەرزکرانەوە.
لە چالاکییەکەدا تیشکخرایەسەر گۆشەگیری ڕێبەری گەلی کورد عەبدوڵا ئۆجالان و دووپاتکرایەوە دژی پێشێلکردنی مافەکان درێژە بە تێکۆشان دەدەن و مافی زیندانیان دەپارێزن.
چالاکییەکە بە هەلهەلە لێدان کۆتایی هات.
ئەزمیر
کۆمەڵەی پشتیوانی و هاوکاری بنەماڵەی زیندانیان و حکومدراوانی ئەگێ لەبەردە زیندانی کرکلار ڕاگەیاندراویان خوێندەوە. بەڕێوەبەری دەم پارتی بوجا، جاهید گونای گوتی: "ستەم و ناهەقییەکان شەرمەزار دەکەین، گۆشەگیری سەر سەرۆکایەتی و زیندانیان قبووڵ ناکەین".
یەک لە دایکی زیندانیان لە چالاکییەکەدا داوای کرد دەوڵەت گوێ لە دەنگیان بگرێت و گوتی: "تا کۆتایی هاتنی گۆشەگیری، لە شەقامەکان و زیندانەکان دەنگمان هەڵدەبڕین".
ڕاگەیاندراوەکە بە چالاکی دانیشتن کۆتایی هات.
مێرسین
بنەماڵەی زیندانیان لەبەردەم زیندانی تاراسوس ڕاگەیاندراویان خوێندەوە و چالاکی دانیشتنیان ئەنجامدا.
هاوسەرۆکی دەم پارتتی مێرسین ڕەشاد ئاسڵان ڕایگەیاند لەڕێگەی دانانی قەیومەوە وەڵامی داخوازی دایکان دەدەنەوە، دەسەڵات نیازی چارەسەری نییە و کودەتا دژی ئیرادەی گەلی کورد ئەنجام دەدات.
ڕاگەیاندراوەکە بە چالاکی دانیشتن کۆتایی هات.
ئەدەنە
بنەماڵەی زیندانیان و نوێنەری پارتە سیاسییەکان و ڕێکخراوەکان ویستیان لەبەردەم زیندانی کورکوچولەر ڕاگەیاندراو بخوێننەوە بەڵام ڕێگەیان نەدرا، هەروەها بینای دەم پارتیان گەمارۆدا و ڕێگەیان نەدا جەماوەر بێنە دەرەوە و بچنە بەردەم زیندانەکە.
خزمی زیندانیان لە ڕێکخستنی دەم پارتی ناوچەکانی یورەگر و سەیحان و جەیهان کۆبوونەوە تا بچنە بەردەم زیندانی کورکوچولەر، بەڵام ڕێگەیان لێ گیرا و نەیانتوانی بگەنە ئەوێ، بۆیە گەڕانەوە.
