هەزاران کەس لە مارسیلیا پیلانگێڕیی نێونەتەوەییان ئیدانە کرد
دوای رێپێوانی درێژمەودا لە باشووری فەرەنسا بە بەشداربوونی هەزاران کەس پیلانگێڕیی نێونەتەوەیی ئیدانە کرا.
بە بەشداریی کوردانی مارسیلیا، بۆردیوکس، تولوس و دراوینگنان لە مارسیلیا رێپێوانی درێژە مەودا رێکخرا.
کوردان لە گۆڕەپانی ئەنتۆنیۆ لە مارسیلیا کۆبوونەوە و ماسکی عەبدوڵا ئۆجالان رێبەری گەلی کوردیان لە دەموچاوی خۆیان دابوو.
لە رێپێوانەکەدا راگەیاندراو خوێندرایەوە و سرود لێدرا و گۆڤەند گێڕدرا.
ئەنجوومەنی ژنانی ئارین میرخان لە چوارچێوەی کەمپەینی "بۆ دادگایکردنی دیکتاتۆر ١٠٠ هۆکار و ١٠٠ هەزار ئیمزا" دەستیان بە هەڵمەتی کۆکردنەوەى ئیمزا کرد.
لە چالاکییەکەدا بۆ سەرنجڕاکێشانە سەر پارادیگمای عەبدوڵا ئۆجالان رێبەری گەلی کورد "کتێبەخانەى رێبەرایەتی" لە فەرەنسا دەستی بە گەشتەکەى کرد.
ژ.ت
