لە دووەم ڕۆژی کۆنگرەکەدا خەباتی دوو ساڵی ڕابردوو تاوتوێ کرا، هاوسەرۆکی کەجەدەکە-ئە لە کۆنگرەکەدا ئاماژەی بەوە کرد هێرشی داگیرکاری سەر کوردستان بە ڕێگەی ئایین ڕەوایەتی پێ دەدرێت و گوتی: "زانایانی کورد بە هۆشیاری ئیسلامی ڕاستەقینە دژی ئایینی دەسەڵات کە سیاسەتی قێزەون ئەنجام دەدات، بە تێگەیشتن و پیادەکردنی ئایینی ڕاستەقینە، ئەرکی مێژوویی خۆیان بەجێ دەگەیەنن".

لە کۆنگرەکەدا تیشکخرایە سەر سیاسەتی ئاسیمیلاسیۆن لەسەر گەلی کورد لە ئەوروپا بە هاندان و پشتگیری دەوڵەتی تورک، هەروەها ئاماژە کرا بە مۆدێلی فێرکردنی زانیانی کورد لەسەر بناغەی ئیسلامی ڕاستەقینە و ئازادی گەلی کورد، کۆنتڕۆڵکردنی پەروەردە و فێربوون لەسەر ئەو بناغەیە بە ئامانج دانرا.

پاشان بە بەشداری ١٤٥ نوێنەر دەنگدان دەستی پێ کرد و مەلا شەوکەت چاکیر وەک سەرۆکی نوێی جیک هەڵبژێردرا.

دواتر ئەنجوومەنێکی ٣٣ کەسی دیاریکرا، ٣ کەس وەک لیژنەی دیسپلین و ٤ کەس وەک لیژنەی چاودێری هەڵبژێردران. دواتر پلانسازی ٢ ساڵی ئایندە خرایە بەردەم نوێنەران.

سەرۆکی پێشووی جیک شەوکەت دەمیر و سەرۆکی بزووتنەوەی زانیانی ئیسلامی و کوردستانی هاوچەرخ حافز ئەحمەد تورهالی هیوای سەرکەوتنیان بۆ دەستەی بەڕێوەبەری نوێ خواست و سوپاسی ئامادەبووانیان کرد.