ئێشکگری دادپەروەری ئەمینە شەنیاشار کە هاوژین و دوو کوڕی لە ١٤ ی حوزەیرانی ٢٠١٨ لە ناوچەی پیرسوسی ڕحا لەلایەن پاسەوان و خزمانی پەرلەمانتاری پێشووی ئاکەپە ئیبراهیم خەلیل یەڵدزەوە کوژران، بەردەوامە. ئێشکگری دادپەروەەری شەنیاشار و فەرید شەنیشاری کوڕی کە پەرلەمانتاری پارتی یەکسانی و دیموکراسیی گەلانی (دەم پارتی) ڕحایە، ١٠٩ ڕۆژە بەردەوامە.

شاندێک لە بنەماڵەی زیندانیان و پەرلەمانتارانی دەم پارتی بورجوگول چوبوک و سەرحەد ئەرەن سەردانی چالاکییەکەیان کرد.

بنەماڵەی زیندانیان کۆمەڵکوژی بنەماڵەی شەنیاشاریان شەرمەزارکرد و داوایان کرد ئەم ستەمە بوەستێنرێت.

ئەمینە شەنیشار ڕایگەیاند بکوژان لە دەرەوەن و کوڕەکەی لە گۆشەگەیەکدا زیندانی کراوە و دووپاتی کردەوە ئازادبوونی کوڕەکەی دەوێت.

خزمی زیندانی فەهیمە پۆیراز گوتی: "دوو کوڕ و هاوژینەکەیان کوشت، ئێستەش کوڕێکی لە زیندانە. ئەمەیە یاسا و دادپەروەری؟ ئێمە تا کۆتایی پشتیوانی دایکە ئەمینە دەکەین، هاوبەشی ئازارەکانی دەبین".

خزمی زیندانی مەدینە کایماز ڕایگەیاند ئەوەی بەرامبەر بنەماڵەکە کراوە ڕاست نییە و پێویستە دادپەروەری بەدی بێت.

دوای کۆتایهاتنی چالاکییەکەی، ئەمینە شەنیشار چووە پەرلەمان.