کۆنسەی بەڕێوەبەری کۆنگەرەی نەتەوەیی کوردسان (کەنەکە) بە پەیامێکی پێرۆزبایی، جەژنی چوارشەممە سووری پیرۆز کرد و گوتی: "جەژنی چوارشەممە سوور، جەژنی کوردستانە، جەژنی کۆمەڵگەی ئێزدییە و هەڵگری مانادارییەکی ئاینی و مێژوویە."

لە بەردەوامی پەیامەکەدا کەنەکە هیوای خواستووە، جەژنی چوارشەممە سوور ببێتە بناغەی ئاشتییەکی هەمیشەیی بۆ هەموو گەلان و کۆمەڵگەکان و هاتووە: "لەم ساتەدا کە پێشوازی لە جەژنی چوارشەممە سوور دەکەین. لە شەنگال، لە عەفرین و سەرێکانی هێرش و مەترسییەکان لەسەر باوەڕدارانی ئێزدی دێژەی هەیە. هێشتا دۆخی شەنگال ڕوون نەبووەتەوە. کێشەکانیان قوڵتردەبێتەوە. هێرشەکانی دەوڵەتی تورک لەسەر شەنگال بەردەوامە. بەهەموو شێوەیەک پشتیوانی لە گەلی شەنگال و هێزەکانی پاراستنی ئێزدیخان دەکەین. ئەم هێرشانە درێژکراوەی هێرشەکانی داعش و دێژەدانە بە فەرمانی ٧٤."

لە بەشێکی دیکەی پەیامەکەدا جەخت لەوەکراوەتەوە شەنگال بەشێکە لە خاکی کوردستان و بەهۆی تایبەتمەندییەکانیەوە بووە بە ئامانجی هێرشەکان و هاتووە: "بەم دوایانەیش حکومەتی بەغدا و چەندین هێزی دیکە، لە نێو شەنگالدا پرۆڤۆکاسیۆن دەکات. دیارە ئامەنجەکە هەڵوەشاندنەوەی ئیدارەی شەنگالە و بۆ ئەوەی گەلی شەنگال بێ ئیدارە و بێ پاراستن بکرێت. پێویستە ئیرادەی گەلی شەنگال بە بنەما بگیرێت. بۆ پاراستنی کۆمەڵگەی ئێزدی پێویستە هەموو هێز و گەلەکەمان هۆشیاربن و خاوەنداری لەگەلی ئێزدیمان بکەن. دەبێت شەنگال و خەڵکەکەی و کێشەکانی شەنگال، بە شێوەیەکی تایبەت هەڵسەنگێندرێت و چارەسەر بکرێت."

لە بەشێکی دیکەی پایەمەکەدا بانگەوازی بۆ یەکڕیزی گەلی کورد کراوە و هاتووە: "پێکەوە و بۆ ئایندەی ژیانێکی شکۆدارانە، بە گوێرەی بەها، مانا و پێرۆزییە دێرینەکان بجوڵێنەوە."

لە کۆتایی پەیامەکەدا کەنەکە جەختی کردوەتەوە لەوەی، پێرۆزکردنی جەژن وابەستەی سەرکەووتنە و هاتووە: "مانای جەژنی چوارشەممە سووریش، بەرپرسیارێتی و باوەڕمان لێ داوادەکات. بەم هیوا و خواستەوە، وەک کەنەکە جارێکی دیکە جەژنی چوارشەممە سوور لە کۆمەڵگەی ئێزدی، گەلی کورد و تەواوی گەلانی ناوچەکە پیرۆز دەکەین."