کۆنگرەی بونیاتنانەوەى دێرسیم بۆ یادی قوربانییانی کۆمەڵکوژیی دێرسیم لە باهنهۆف پلاتزی شاری بێرنی پایتەختی سویسرا چالاکییەکی بەڕێوەبرد.

هەر یەک لە فیدراسیۆنی دیموکراتیکی عەلەوییەکانی ئەوروپا (فەدا – FEDA)، فیدراسیۆنی کۆمەڵە دیموکراتیکەکانی مەرەش (ماردیف - MARDEF)، یەکێتیی هێزە دیموکراتیکەکان لە ئەوروپا (ئادەگەبە - ADGB)، کۆمەڵەى مافى مرۆڤ (ئیهادە - ÎHD)، کۆمەڵگەى دیموکراتیکی کورد (جەدەکە CDK-)، حیزبی سەرلەنوێ بونیاتنانەوەى سۆسیالیزم (SYKP)، هاوپەیمانیی یەکێتیی هێزە دیموکراتیکەکان و موستەفا ئاتجی و سیبەل ئارسلان پەرلەمانتارانی پەرلەمانی فیدراڵی سویسرا بەشداری یادەکە بوون.

یادەکە بە خولەکێک رێزگرتن دەستیپێکرد و دواتر چەند وتەیەک پێشکەشکران و راگەیاندراو بە زمانی ئەڵمانی بڵاوکرانەوە. لە درێژەی یادەکەدا موستەفا ئاتحی و سیبەل ئارسلان وتەیان پێشکەشکرد.

دوای پێشکردنی وتەکان و دانانی تاجە گوڵێنە چالاکییەکە کۆتایی پێهات.

ژ.ت