چالاکییەکە لە مۆڵۆز پارک رێکخرا و تیایدا هێرشە داگیرکەرییەکانی دەوڵەتى تورک و بەکارهێنانی چەکی کیمیایی لە دژی گەریلاکانی ئازادیی کوردستان و بێدەنگیی هێزە نێونەتەوەییەکان ئیدانە کرا.

سیاسەتمەداری کورد لەزگین سەرحەد لە چالاکییەکەدا رایگەیاند، "دەوڵەتی تورک هەموو جۆرە هێرشێک لە دژی کورد بە مافی خۆی دەزانێت. لە بێ ئەخلاقی و پێشێلکاری و ئەنجامدانی تاواندا هیچ سنوورێک ناناسێت".

لەزگین سەرحەد هەروەها دەستوەردانی پەدەکەی لە شەنگال و هێرشی پۆلیس لە ستراسبۆرگ لە دژی چالاکیی کوردان و دۆستەکانیان بۆ ئازادیی عەبدوڵا ئۆجالان رێبەری گەلی کورد ئیدانە کرد.

لە چالاکییەکەدا دروشمەکانی "فاشیست دەوڵەتی تورکە" ، "ئازادی بۆ کوردستان" ، "بکوژ ئەردۆغان" ، "بژی سەرۆک ئاپۆ" وترانەوە.

ژ.ت