لە شاری سانت گالێنی سویسرا بە پێشەنگایەتی ناوەندی کۆمەڵەی دیموکراتیکی کورد (نەجەدەکە-سانت گالێن) بە بۆنەی ٨٧ەمین ساڵیادی کۆمەڵکوژی دێرسیم پانێلێک سازکرا.

پانێلەکە بە خولەکێک بێدەنگی بۆ رێزلێنان لە شەهیدانی کۆمەڵکوژی دێرسیم و سەرجەم شەهیدانی رێگەی ئازادی کوردستان دەستی پێکرد.

مێژووناس سادات ئولوگانا لە پانێلەکەدا قسەی کرد و باسێکی مێژوویی لەبارەی وردەکاری و پشتپەردە مێژووییەکانی کۆمەڵکوژی دێرسیم و لێکەوتەکانی خستەڕوو.

لە پانێلەکەدا سادات ئولوگانا راوەستەی  لەسەر ئەرکی مێژوویی سەید رەزا دێرسیم و هەروەها ئامانجەکانی دەوڵەتی تورکیشی لەو کۆمەڵکوژییە بە وردی شیکردەوە و وەڵامی پرسیاری ئامادەبووانیشیدایەوە.