پارێزەران بەمەبەستی سەردان بۆ ئیمراڵی داواکارییان پێشکەش کرد
پارێزەرانی رێبەری گەلی کورد عەبدوڵا ئۆجالان بۆ ئەوەی بتوانن موەکیلەکەیان ببینن، جارێکی دیکە داواکارییان پێشکەش کردەوە.
پارێزەرانی نوسینگەی یاسایی سەدە سوزان ئاکیپا، ئیبراهیم بیلمەز، عەمران ئەمەکچی و جەنگیز یورەکلی بۆ ئەوەی بتوانن موەکیلەکانیان لە ئیمراڵی عەبدوڵا ئۆجالان، عومەر خەیری کۆنار، حامیلی یەڵدرم و وەیسی ئاکتاش ببینن سەردانی داواکاری گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
پەیوەندی رێبەری گەلی کورد عەبدوڵا ئۆجالان لەگەڵ دەرەوەی زیندان بە تەواوەتی پچڕاوە. وەڵام بە داواکارییەکان بۆ ئەنجامدانی دیدار نادرێتەوە و هەندێک جاریش دوای چەند مانگ بە پارێزەران رادەگەیەندرێت کە سزای دیسپلین سەپێندراوە و ئەوەش وەک پاساوی رێگری لە دیدارەکان نیشان دەدرێت.
نزیکەی ٤ ساڵە هیچ زانیارییەک لە بارەی ڕێبەری گەلی کورد عەبدوڵا ئۆجالانەوە بەدەستنەهێنراوە.
