باوکی زیندانی نەخۆش، ئیسماعیل کارا، ڕایگەیاند کە پێشێلکارییەکانی مافی مرۆڤ لەگەڵ دەست بەکاربوونی بەڕێوەبەری نوێی زیندانی کورکچولەر زیادی کردووە و ڕایگەیاند کە لە زیندانەکاندا دەستبەسەر کەلوپەل و دۆسیەکانی زیندانییەکاندا دەگرن.
پێشێلکارییەکانی مافی مرۆڤ لە زیندانەکاندا لە دژی زیندانیانی سیاسی ڕۆژ بە ڕۆژ لە زیادبووندایە. یەکێک لەو زیندانانە زیندانی کورکچولەرە. ڕاپۆرتەکان ئاماژە بەوە دەکەن کە ماف و شێوازی هەڵسوکەوت لەگەڵ زیندانییە نەخۆشەکان لەم زیندانەدا بە شێوەیەکی هەڕەمەکییە و بەردەوام پشکەنین و گەڕان لە ناو ژوورەکاندا دەکەن.
باوکی زیندانیی نەخۆش، ئیسماعیل کارا، بۆ ئاژانسی هەواڵی فۆرات قسەی کرد و ڕایگەیاند کوڕەکەی بۆ ماوەی ٣٠مانگە بۆ نەخۆشخانە نەنێردراوە بەهۆی سەپاندنی پشکنین و پێشێلکارییەکانی مافی مرۆڤ. هەروەها دەڵێت دەستیان بەسەر کتێب و نامەکانیدا گیراوە. بەگشتی ئاستەنگییەکان زیادی کردووە و دەرمان و پێویستیەکان ناگەیەندرێتە دەستی زیندانییەکان.
'وەزارەتی داد و بەڕێوەبەری زیندانەکان بەرپرسیارن'
کارا داوای کرد کە گوشارەکان لەسەر زیندانییەکان دەستبەجێ کۆتایی پێبێت و وتی: " ڕۆڵەکانمان بێکەس نین سکاڵا دەکەین لەبەر ئەوەی ڕۆڵەکانمان لە ژێر هەلومەرجێکی دڕندانەدا زیندانی دەکرێن. ئەوان ڕێگری لە چارەسەر و دەرمانەکانیان دەکەن، بەسەر ژوورەکانیاندا دەدەن، دەستبەسەر کتێبەکانیاندا دەگرن، وەزارەتی داد و بەڕێوەبەرایەتی زیندان بەرپرسیارن لە هەر شتێکی خراپ کە بەسەر ڕۆڵەکانماندا دێت."
