یەکەمین کۆنفرانسی ئەنجوومەنی کوردانی مۆسکۆ ڕۆژی ٩ی حوزیران لە ماڵی کورد بەڕێوەچوو.

لەم کۆنفرانسەدا کار و کەموکوڕیەکانی سێ ساڵی ڕابردوو هەڵسەنگێندرا. هەروەها لە کۆنفرانسەکەدا زۆرێک لە نوێنەرانی ڕێکخستنە کوردییەکان لە دەوروبەری مۆسکۆ بەشداریان کرد، وتاریان پێشکەش کرد و باسیان لە ئەزموونەکانی خۆیان کرد.

ڕەشاد بناو، نوێنەری خۆبەڕێوەبەری باکوور و ڕۆژهەڵاتی سووریا لە ڕووسیا، لە کۆنفرانسەکەدا قسەی کرد و ڕایگەیاند، ئەو مۆدێلە دەتوانێت بۆ هەموو کوردان، ڕەمزێک بێت بە لەبەرچاوگرتنی مۆدێلی کار و خەبات لە ڕۆژئاوا.

دوای وتارەکە لە ئەنجامی دەنگدانەکان هاوسەرۆکە نوێیەکانی ئەنجوومەنی کوردانی مۆسکۆ بە ناوەکانی ڕەفیق جەمیل و ئێکا قولیخان و ١١ کەس بۆ دەستەی بەڕێوەبەری بۆ ماوەی ٣ ساڵ هەڵبژێردران.

ئەندامانی هەڵبژێردراو سوپاس و پێزانینی خۆیان دەربڕی و بەڵێنیان دا کە بەرپرسیارانە ئەرکەکانیان جێبەجێ بکەن.