کاراکۆچ کە لە هۆڵەندا دەستگیرکرابوو، ئەمڕۆ لە لایەن دادگاوە بە مەرج بە بڕی ٥ هەزار یۆرۆ کەفالەت ئازاد کرا. دادگا لە چوارچێوەی مەرجەکەدا  بڕیاری داوە کاراکۆچ لە هەفتەیەکدا ڕۆژێک واژۆ بدات. هەروەها پاسپۆرتی کاراکۆچ دەستی بەسەردا گیراوە و چوونەدەرەوەی لە وڵات قەدەغەیە.

هەروەها دادوەر بڕیاریداوە کاراکۆچ لە ٢٤ی تەمموزدا بەشداری دانیشتنی دادگا بکات.

کاراکۆچ ڕۆژی ٢٣ی ئایار لە ماڵەکەی خۆی لەلایەن پۆلیسی هۆڵەندا دەستبەسەر و لەسەر داوای ڕادەستکردنەوەی ئاڵمانیا دەستگیرکرا. جێی ئاماژەیە کاراکۆچ لە ساڵانی ١٩٩٠ بەدواوە لە کاری چاپەمەنی ئازاد دا کار دەکات.