ژنانی گەنج لە بەردەم دادگەی مافی مرۆڤی ئەرووپا چالاکییان ئەنجامدا
ژنانی گەنجی کورد و ئەنتەرناسیۆناڵیست لە دژی گۆشرگیری سەر رێبەری گەلی کورد عەبدوڵا ئۆجالان لە سەر بینای دادگەی مافی مرۆڤی ئەرووپادا چالاکییەکیان ئەنجامدا.
بە پێشەنگایەتی ژنانی گەنجی کورد و ئەنتەرناسیۆناڵیست لە شاری ستراسبوورگی فەرانسا چالاکییەک ئەنجامدرا.
چالاکییەکە لە چوارچێوەی کەمپەینی ' ئیمە دەڵێین نا' بەرێوە چوو.
گروپێک لە ژنانی گەنج چوونە سەر بینای دادگەی مافی مرۆڤی ئەورووپا و پانکاردی بە نووسراوەی ' نا بۆگۆشەگیری' -یان هەڵواسی و پۆستری ڕێبەری گەلی کورد عەبدوڵا ئۆجالانیان بەرزکردەوە.
گروپێک تر چوونە ناو بیناکە و بە دەف لێدان چالاکییان ئەنجامدا.
چالاکییەکە کاتژمێر ١٣:٤٠ خولەک دەستیپێکرد ، ژنان دەستنیشانیانکرد کە دەخوازن چاویان بە بەرپرسانی دادگەی مافی مرۆڤی ئەورووپا بکەوێت و دەربارەی دۆخی ڕێبەری گەلی کورد دۆسیە پیشکەش بکەن.
ک-ش
