لە شاری لیڤۆرنۆی ئیتالیا، بە بۆنەی ٢٥ی تشرینی دووەم ڕۆژی بەرەنگاربوونەوەی توندوتیژی دژی ژنان چوار ڕێیانی، ڤیا دێل ڕیسۆرگیمنتۆ و ڤیا دۆن بۆسکۆ، بەناوی کچە کورد ژینا ئەمینی  ناونرا،کە ساڵی ٢٠٢٢ بەدەستی هێزەکانی ئێران کوژرا.

لە مەراسیمەکەدا پەیام پێشکەش کرا، ئاماژە بەوە کرا کە پێویستە هەموو لایەک بۆ دروستکردنی کۆمەڵگایەکی دادپەروەرانە  بەرپرسیارێتی لە ئەستۆ بگرێت.

هەروەها نوێنەرانی مانگی سووری کوردستانیش بەشداریی مەراسیمەکە بوون و سوپاسی شارەوانی لیڤۆرنۆ و سەرۆکی شارەوانی لوکا سالڤێتی و هەموو ئەو کەسانەیان کرد کە بەشدارییان لەو ئەرکەدا کردووە و ڕایانگەیاند؛ ئێمە بەردەوام دەبین لە پشتیوانیەکانمان بۆ بەدیهاتنی ئازادی، دادپەروەری و مافەکانی مرۆڤ."