لەمەراسیمێکدا کۆمەڵەی ژنانی زەنوبیا بە بەیاننامەیەک، بەشداری خۆیانی لە هەڵمەتی "نا بۆ لەسێدارەدان" ڕایگەیاند. ئەندامان و نوێنەرانی ڕێکخراوەکانی کۆمەڵگەی مەدەنی سەر بە ئیدارەی خۆبەڕێوەبەری دیموکراتیک لە مەراسیمەکەدا ئامادەی بوون.

لە بەیاننامەکەدا کە وتەبێژی کۆمەڵەی ژنانی زەنۆبیا خود ئەلعیسا خوێندیەوە، هاتووە: "حکومەتی ئێران بە عەقڵییەتی چەوسێنەرانەی خۆی مافەکانی ژنان و کۆمەڵگای ئێرانی پێشێل کردووە."

لە ١٢ی ئابدا، یەکێتی رۆژنامەنووسانی ژنان هەڵمەتی "نا بۆ سزای لەسێدارەدان"ی ڕاگەیاند کە تا ١٩ی ئاب بەردەوام دەبێت.

لە ١٣ ی ئابدا، یەکێتی ڕۆژنامەنووسانی ئازاد (یەرەئا) بەشداری کەمپینەکە بوو. یەرەئا، داوای لە رێکخراوەکانی مافی مرۆڤ و بزووتنەوەی ژنان و ڕێکخراوە پەیوەندیدارەکان بە ڕۆژنامەنووسیەوە کرد بەشداری هەڵمەتەکە بن.