لە ئێران دەستدرێژی کرایە سەر ٤ ژن
لە ئێران و رۆژهەڵاتی کوردستان سەرهەڵدانی ژن،ژیان،ئازادی دوای کوشتنی ژینا ئەمینی بەردەوامە. بەگوێرەی زانیاریەکان، هێزەکانی ئیتلاعاتی ئێران لە زاهیدان دەستدرێژیان کردووەتە سەر ٤ ژن.
لە ئێران و رۆژهەڵاتی کوردستان سەرهەڵدانی ژن،ژیان،ئازادی دوای کوشتنی ژینا ئەمینی شەش مانگی تێپەڕ کردووە. سەرهەڵدان کە لە ئێران و رۆژهەڵاتی کوردستان بە پێشەنگایەتی ژنان بەردەوامە، لە هەمان کاتدا ژنان رووبەرووی هەموو جۆرە هێرشێک دەبنەوە. راگەیەندرا کە هێزەکانی ئیتلاعاتی ئێران لە زاهیدان دەستدرێژیان کردووەتە سەر ٤ ژن.
سێ ژنیان بەشداریان لە هەینی خوێناوی کردووە و لە کۆڵانی زانکۆی زاهیدان دەستگیرکرابوون.
ف.ق
