بۆ کەمپەینی لەدژی پاکتاوی ژنان کە لە ئاستی نێونەتەوەییدا  دەستیپێکردووە، لە ئۆسلۆ چالاکی پشتگیری ئەنجامدرا.

چالاکییەکە لەلایەن پلاتفۆرمی ژنی کورد و نەرویجییەکان بەرێوەچوو. لە چالاکییەکەدا کە لە بەردەم سەرۆکایەتی  وەزارەتی کاری دەرەوە بەڕێوە چوو، هێرشی داگیرکاری دەوڵەتی تورک ئیدانەکرا.

چالاکی هۆلەندی لێدا وەرت لە چالاکییەکەدا قسەیکرد  و داوای لە ژنان کرد کە خاوەنداریەتی لە کەمپەینەکە بکەن.

وەرت داوای لە وەزیر ماری ئێرکەسەن  کرد کە بۆ راوەستاندنی شەڕ لە کوردستان  و هەرێمەکە  هەنگاو بنێت و وتی، "  کات کاتی بێدەنگی نییە."

' کات کاتی ئازادیە'

وەرت تیشکی خستە سەر گۆشەگیری رێبەری گەلی کورد عەبدوڵا ئۆجالان  و وتی، " کات کاتی ئازادی ڕێبەری گەلی کوردە.  دەبێت حکومەتی نەرویج  پشتگیری ئاشتی بکات لە هەرێمەکە."

بە ناوی کۆمیتەی باشوور محەمەد گەرمیانی قسەیکرد  و هێرشی دەوڵەتی تورکیای بۆ داگیرکردنی باشووری کوردستان  ئیدانەکرد.

' دەبێت دەستێوەردان لە دەوڵەتی تورک بکرێت'

پارلمانتاری پێشوو و نووسەر و دۆستی کوردان ئێرلێنگ فۆلکڤۆرد داوای لە ئێنە ماری ئێریکسەن کرد  و وتی، "  نەرویج کە ئەندامێکی کۆنسەی ئاسایشی نەتەوەیەکگرتووەکانە، دەتوانێت بە ئاسانی ئەم هێرشە داگیرکارانە راوەستێنێت. دەوڵەتی تورک  وەک هاوبەشی ناتۆ داگیرکاری کردووە و گەلێک کۆمەڵکووژیی ئەنجامداوە. نەتەوە یەکگرتووەکان و ناتۆ دەبێت دەستێوەردان بکەن."

لە چالاکییەکەدا بڕیاری ئەمریکا لەمەڕ سێ سەرکردەی پیشەنگی پەکەکە  ئیدانەکرا و دەستنیشانکرا کە دەوڵەتی تورک حکومەتی شەڕئەنگێزییە.

ک-ش