لە چوارچێوەی کەمپینی 'ئازادی بۆ عەبدوڵا ئۆجالان، چاەسەری سیاسی بۆ پرسی کورد' بزوتنەوەی ژنانی کورد لە ئەوروپا (تەژەکە-ئە) دەستی بە هەڵمەتی 'تیشکەکانی خۆر' کردووە. هەڵمەتەکە ٤ی ئەیلول لە شاری جنێڤی سویسرا دەستپێدەکات.

لەبەردەم بارەگای نەتەوەیەکگرتووەکان لە جنێڤ رۆژی ٤ی ئەیلول کاتژمێر ١٣:٠٠ کۆنفڕانسێکی رۆژنامەوانی ساز دەکرێت و بەم جۆرە هەڵمەتەکە دەستپێدەکات.

هەڵمەتەکە بە دروشمی ' رێبەر ئاپۆ نەک هەر بۆ کوردستان، بەڵکوو بۆ سەرتاسەری جیهان ئاشتی دەهێنێت' دەستپێدەکات و لە دەیان ناوچەی سویسراوە بە چالاکی هونەری و کولتوری تا ١٢ی تشرینی یەکەم بەردەوام دەبێت.

یەکێتی ژنانی کورد لە سویسرا (یەژەکە-سە) راگەیەندراوێکی بڵاوکردەوە و تیادا داوای لە وڵاتپارێزان، دیموکراسیخوازان و هەموو ژنانی بەرهەڵستکاری سیستمی سەرمایەداری کرد بەشداری لە هەڵمەتەکەدا بکەن.

لە درێژەی راگەیەندراوەکەدا هاتووە، "هەڵمەتەکە تا ١٢ی تشرینی یەکەم بەردەوامە و لە شارەکانی ئاراو، بازێل، زوریخ، لوزێرن، سانت گالێن. لۆزان، بێرن و هەموو ئەو ناوچانەی ئێمە وەک یەژەکە-سە خۆمان تێدا رێکخستووە، لە رێگەی چالاکییەوە بەردەوامە".

'بەشداربوون لە هەڵمەتی رێبەرایەتی زۆر گرنگە'

لە راگەیەندراوەکەی یەژەهە-سویسڕادا هاتووە، " لە دژی مۆدێرنیتەی سەرمایەداری کە دوژمنی کۆمەڵگا، ژینگە، ژنان و مرۆڤایەتیە، پاڕادایمی ئازادیپارێزی ژن، دیموکراتیک و ئیکۆلۆژیکی رێبەرایەتی تاکە بەدیل و جێگرەوەیە. لەبەر ئەوە لە چوارچێوەی هەڵمەتی 'تیشکەکانی خۆر'دا تەژەکە-ئە کە لە چوارچێوەی کەمپینی 'ئازادی بۆ رێبەر ئاپۆ، چارەسەری بۆ پرسی کورد' سازیدەکات، ئێمە ئەندێشەکانی رێبەر ئاپۆ دەگەیەنینە هەموو کەسێک، هەموو ماڵێک و هەموو شەقامێک، هەموو خوێندنگەیەک".