گەریلاکانی هێزەکانی یەژا ستار ڕایانگەیاند کە دەستیان بەسەر ئەو تەقەمەنیانەدا گرتووە کە لە دژی تونێلەکانی گۆڕەپانی بەرخۆدان بەکارهێنراون و هەروەها کاریگەرییەکانیان ڕاگەیاند.

گەریلاکانی یەژا ستار ڕایانگەیاند کە هیچ شتێکی ڕوون لەبارەی تەقینەوەی ئەم ماددانەوە باس ناکرێت و ڕایانگەیاند کە کاریگەری بۆن و غازی ئەو ماددانە زۆر قورس و مەترسیدارە.

جگە لە تەقەمەنییە جیاوازەکان، دەست بەسەر نەوعی تەقەمەنی "Thermobaric (TBX)" گیراوە.

ئەو وێنانەی لە پێوەندی لەگەڵ ئەم تەقەمەنیانەدا تۆمار کراون، ئاماژەیەکی ڕاست و ئاشکران لە تاوانە ئەنجامدراوە جەنگییەکانی دەوڵەتی تورکە. ئەو وێنانەی لە هەرێمە جیاوازەکانەوە تۆمار کراون، ساتی تەقینەوەکە، کاریگەری و شوێنەواری دوای ساتی تەقینەوەکە نیشان دەدەن.

لە لایەکی ترەوە بەهۆی تەقینەوەی، تەقەمەنیەکانەوە دوکەڵ و خۆڵ لە سەر ئاسمانی ناوچەکە کۆدەبێتەوە.

لەو دیمەنانەی دەست ئاژانسی هەواڵی فورات کەوتووە، ئەو بۆمبانەی لەسەر نووسراوە "Thermobaric (TBX)" بە ڕوونی دەردەکەون. لەم دیمەنانەدا بە ڕوونی دەردەکەوێت کە تەقەمەنی ترموباریک و کیمیایی بەکارهێنراوە. کاریگەری و پاشماوەی ئەم تەقینەوانە دەیسەلمێنن کە شەپۆلەکانی فشار بەهۆی گەرمبوونی زۆر و هەڵوەشانەوە و تێکدانی چەندە جددییە.

ماددەی تەقەمەنی ترمۆباریک(TBX): لە زۆرێک لە وێنەکاندا، نوسراوی "Thermobaric (TBX)" دەبینرێت. تەقەمەنی ترمۆباریک دەبێتە هۆی تەقینەوەیەکی زۆر بەهێز و دواتر شەپۆلی فشاری گەرمییەکی زۆر دروست دەکات (وەک چەکی سووتانی هەوا). بەم شێوەیە تەقەمەنیەکە لە شوێنی داخراودا کاریگەرییەکی زۆر وێرانکەری دەبێت.

پارچە و پاشماوەی تەقینەوەکان: لە زۆرێک لە وێنەکاندا پارچە و پاشماوەی تەقەمەنیەکان و تۆزی سپی لە دەوروبەری شوێنی تەقینەوەکە بە ڕوونی دەردەکەوێت.

بلاستینگ کاپ(سەری تەقینەوە): لە هەندێک وێنەی تەقەمەنیدا کە نوسراوی "DANGEROÛS BLASTING CAP" و میکانیزمی گولەباران (وەک بۆمبی هێشوویی) دەبینرێت. بەم شێوەیە (بلاستینگ کاپ) بۆ ئامادەکردنی تەقینەوەیەکی سەرەکی بەکار دەهێنرێت.

پاشماوەی بەشێکی تەقینەوەکە کە تێدا مادەی کیمیایی بەجێ دەکرێت: لە وێنە و دیمەنەکاندا تۆز و خۆڵ و دوکەڵی سپی لە ماددە کیمیاییەکانەوە بە سەر ئاسمانی ناوچەکە دەبینرێت. پاشماوەی کاریگەرییەکانی ئەم جۆرە ماددانە نیشان دەدات کە مادەی کیمیایی تێدا جێگیر کراوە.