هاوسەرۆکی شارەوانی دێرسیم بیرسەن ئۆرهان پاش ئەوەی قەیوم لە شوێنی دانرا، دەستبەسەر کرا، لە ٢٤ ی تشرینی دووەم بە مەرجی مانەوەی زۆرەملێی لە ماڵەوە ئازادکرا. بیرسەن ئەمڕۆش لە ماڵەکەی لە ناوچەی پێرتاگ دەستبەسەرکرا.

پاش دەستبەسەرکردنی بیرسەن ئۆرهان ڕەوانەی دادگای تونجەلی کرا و ئیفادەدانی لە داواکاری گشتی کۆتایی هات.

داواکاری گشتی بە تۆمەتی "پێشێلکردنی یاساکانی کۆبوونەوە و چالاکی ڕێپێوان" و "ڕێگریکردن لە ئەنجامدانی ئەرک"، بە داوای زیندانی کردن بیرسەنی ڕەوانەی دادگا کرد.

دادوەر بڕیاری زیندانیکردنی دا.