مەراسیمی پیرۆزبایی نەورۆز لە سەرتاسەری کوردستان بەردەوامە. دوای پیرۆزبایی نەورۆزی قەندیل، لە کەرکوکیش ئاهەنگی پیرۆزبایی بە جۆش و خرۆشێکی گەورەوە بەڕێوەچوو.

پیرۆزباییەکە بە دروشمی 'نەورۆزی ئەمساڵ دەکەینە نەورۆزی راپەڕین دژی گەندەڵی و نایەکسانی' لە کاتژمێر ١٣:٠٠ دەستیپێکرد. لەگەر چوار پارچەی کوردستانەوە بە سەدان کەس بەشدارییان لە پیرۆزباییەکەدا کرد.

له‌ گۆڕه‌پانه‌كه‌ وێنه‌كانی رێبه‌ری گه‌لی كورد عه‌بدوڵا ئۆجالان، وێنه‌كانی شه‌هیدان، ئاڵاكانی ته‌ڤگه‌ری ئازادی، ره‌ژاك و ره‌نگه‌كانی سه‌وز، سور و زه‌رد هه‌ڵدران. دوای خوله‌كێك بێده‌نگی بۆ رێزلێنان، ئاگری نه‌وررۆز له‌لایه‌ن بنه‌ماڵه‌ی شه‌هیدان کرایەوە. له‌ گۆڕه‌پانه‌كه‌دا بێ پسانه‌وه‌ دروشمه‌كانی ‘بژی سه‌رۆك ئاپۆ‘ و ‘نه‌ورۆز پیرۆز بێت‘ ده‌وترێنه‌وه‌.

په‌یامی ته‌ڤگه‌ری ئازادی و كۆمیته‌ی ئاماده‌كار له‌لایه‌ن نه‌وزاد به‌كره‌وه‌ خوێندرایه‌وه‌. نه‌وزاد به‌كر له‌سه‌ره‌تادا نه‌ورۆزی له‌ بنه‌ماڵه‌ی شه‌هیدان، پێكهاته‌كانی كه‌ركوك و له‌ هه‌موولایه‌ك پیرۆز كرد.

لە پەیامەکەدا هاتبوو کە، "په‌یامی سیاسی ته‌ڤگه‌ری ئازادی له‌سه‌ر پێكه‌وه‌ژیانی هه‌موو پێكهاته‌كانی هه‌رێمه‌كه‌یه‌. پێویسته‌ ئێمه‌ هه‌موو پێكهاته‌كان نه‌ورۆز بكه‌ینه‌ نه‌ورۆزی ئاشتی، له‌ دژی گه‌نده‌ڵی و دزی و بوه‌ستینه‌وه‌، پێویسته‌ هه‌موو كه‌س بۆ ئازادی رێبه‌ری گه‌لی كورد عه‌بدوڵا ئۆجالان كار بكات و بكه‌وێته‌ جوڵه‌ و هه‌وڵه‌وه‌ و وتی، "ئۆجالان رێبه‌ری گه‌لانه‌. رێبه‌ری مرۆڤایه‌تییه‌".

دواتر هونه‌رمه‌ند پێشه‌وا ره‌مه‌زان چووه‌ سه‌ر شانۆ و گه‌ل له‌به‌ر گۆرانی گۆڤه‌ند و هه‌ڵپه‌ڕكێیان ساز كرد. پێشبینی دەکرێت کە تا ئێوارە پیرۆزباییەکە بەردەوام بێت.

هـ . ب