بە گوێرەی راگەیەنەدراوێکی وەزارەتی بەرگریی حکومەتی سوریا هێرشەکە کاتژمێر ٠١:٢٠ لە بەرزاییەکانی جەولانەوە ئەنجامدراوە. باس لەوەکراوە کە هێرشی ئاسمانی کراوەتە سەر زۆر شوێن لە دیمەشق.

وەزارەتەکە سەبارەت بەو شوێنانەی هێرشیان کراوەتەسەر زانیاری وردی رانەگەیاندووە، بەڵام ئاماژەی بەوەکردووە کە دوو سەرباز برینداربوون و زیانی ماددیشی لێکەوتووەتەوە.

وەزارەتی بەرگریی حکومەتی سوریا رایگەیاند کە چەندین موشەک لە لایەن سیستمی بەرگریی ئاسمانی وڵاتەکەیانەوە لەناوبراون.

هـ . ب