پارێزەری کۆمەڵەی "Femme Azadî"ی فەرەنسی، ئیمانوێل داود بە ئاژانسی هەواڵی (AFP) ڕاگەیاند، سەردانی داواکاری گشتی دادگای سزای نێونەتەوەیی کردووە.

هاوکات کۆمەڵەکە نامەیەکی ئاراستەی کۆنسەی ئاسایشی نەتەوە یەکگرتووەکان کردووە و داوای کردووە دۆزەکە ڕەوانەی داواکاری گشتی دادگای سزای نێونەتەوەیی بکرێت.

پاش کوژرانی کچە کورد ژینا ئەمینی لە ١٦ ی ئەیلولی ٢٠٢٢ لە تاران، خۆپیشاندانی گەل دەستی پێ کرد.

بەگوێرەی ڕێکخراوی مافەکانی مرۆڤی ئێران (IHR)، لە شۆڕشی "ژن، ژیان، ئازادی"دا لانی کەم ٥٥١ خۆپیشاندەر کە لەوانە ٦٨ مناڵ و ٤٩ ژن بوون، لەلایەن هێزە ئەمنییەکانەوە کوژراون. بەگوێرەی ڕێکخراوی لێبووردنی نێودەوڵەتی، زیاتر لە ٢٢ هەزار کەس گیراون. هەروەها ٧ کەس لەسێدارەدراون.

کۆمەڵەی "Femme Azadî" دەڵێت: "ئەم توندوتیژیانە ڕێکەوت نییە، بەڵکو ئامانجەکەی بێدەنگکرنی خۆپیشاندەرانە".

لەو دۆسیەیەی ڕەوانەی دادگای سزای نێونەتەوەیی کراوە، سەرۆککۆماری ئێران، ئیبراهیم ڕەئیسی بە تاوانی دژی مرۆڤایەتی تۆمەتبار کراوە.