دەستپێشخەری 'ئون سالتۆ دی ڤیدا' (هەنگاوێک لەپێناو ژیان) لە شاری ئێل سالتۆی ئەیالەتی جالیسکۆی مەکسیک چالاکیەکیان بە مەبەستی ناساندنی پاڕادایمی کۆنفیدڕاڵیزمی دیموکراتیک سازکرد.

چالاکیەکە لە کەنارەکانی رووباری سانتیاگۆ بەڕێوەچوو و بەشداربووان رایانگەیاند کە پشتیوانی لە کەمپینی 'ئازادی بۆ عەبدوڵا ئۆجالان و چارەسەری سیاسی بۆ پرسی کورد دەکەن'.

لە کۆتایی چالاکیەکەدا هەم گەورە و هەم منداڵانی بەشداربوو پەیامی ڤیدیۆییان بڵاوکردەوە و داوای ئازادی عەبدوڵا ئۆجالانیان کرد.

پەیامەکەی ئون سالتۆ دی ڤیدا بەم جۆرەیە:

"لە شارەکانی ئێل سالتۆ و ژوانکاتالانی جالیسکۆ لە رۆژئاوای مەکسیکەوە ئێمە سڵاوی خۆمان ئاراستەی گەلی کورد و تەواوی رۆژهەڵاتی دوور دەکەین. ئاگاداری تێکۆشانی خۆبەڕێوەبەری گەلی کوردین و پشتیوانی خۆمان بۆ شکاندنی گۆشەگیری لەسەر عەبدوڵا ئۆجالان دەردەبڕین. داوادەکەین ئازاد بکرێت، شەڕ و گوشار لە سەر گەلی کورد کۆتایی پێبێت. ناتوانرێت ئەندێشە و رامان بە دیل بگیرێت".

لە پێشەنگانی گەلی خۆجێیی زۆکۆ ئەکادیمسیان فۆرتینۆ دۆمینگۆ رووێدا بەشداری چالاکی خوێندنەوەی کتێبی کرد و پشتیوانی لە هەڵمەتی ئازادی عەبدوڵا ئۆجالان کرد. دۆمینگۆ رووێدا سەرنجی بۆ سەر تێکۆشانی خۆبەڕێوەبەری گەلی کورد راکێشا و داوای ئازادکردنی عەبدوڵا ئۆجالانی کرد.

ئەندامی 'فێمینیسمۆ کۆموتاریۆ' لە بۆلیڤیا ئاندریا گوزمان و سەرۆکی گەلی خۆجێیی گواتیمالا لۆلیتا چاڤێزیش پەیامی هاوشێوەیان بڵاوکردەوە.

هـ . ب