لە چوارچێوەی چالاکی و فیستیڤاڵەکانی پیرۆزکردنی ٤ـی نیساندا لە هۆڵی کۆنفرانس بە بەشداریی گەل و خوێندکاران ئەم فێستیڤاڵە هەموو ساڵێک لە ٢ـی نیساندا پێشانگایەکی وێنەکێشان لەلایەن خوێندکارانی کامپەکەوە دەکرێتەوە، ئەمساڵیش لە هۆڵی کۆنفرانس بە بەشداریی گەل و خوێندکاران بەڕێوەچوو، هەروەها وابڕیارە لە ٣ـی نیساندا پێشبڕکێی وەرزشی بەڕێوەدەچێت و لە ٤ـی نیسانیش ڕۆژی لەدایک بوونی ڕێبەر ئاپۆ ئاهەنگێکی جەماوەری ڕێك دەخرێت.

پێشانگاکە بە وتاری مامۆستا فەیاد کاچان کرایەوە و لە سەرەتای قسەکانیدا پیرۆزبایی ٤ـی نیسانی لە ڕێبەر ئاپۆ و هەموو مرۆڤایەتی کرد و وتی: "ئەم ڕۆژە بۆ ئێمە تەنیا لەدایک بوون نییە، سەرهەڵان و بەرخۆدانە، لەسەر ئەم بنەمایە، وەک خوێندکارانی ڕێبەر ئاپۆ، ئەم ڕۆژە پیرۆز دەکەین بە دیاری بۆ ڕێبەر ئاپۆ و هەموو مرۆڤایەتی."

لە درێژەی قسەکانیدا گوتی: "وەک خوێندکارانی کامپەکەش، دەمانەوێت سڵاوێکی تایبەت بۆ ڕێبەر ئاپۆ بنێرین و پشتگیری لە بانگەوازە مێژووییەکەی بکەین."

لەدوای وتاری سەرەتا، فیلمێکی تایبەت بە خەبات و بەرخۆدانی مێژووی كامپەكە نمایشکرا. پاشان دانیشتوان و خوێندکارانی کامپەکە بۆ بینینی وێنەکان و بەرهەمەکانی تر چوونە شوێنی پێشەنگاکە.

لە گەلەرییەکەدا، وێنەی درووستکراوی خوێندکاران و فۆتۆگرافەرانی کامپەکە، هەروەها بەرهەمەکانی، کە لە کاغەز و گڵ و دار دروستکراون، نمایشکران.