دووەمین ڕۆژی سێیەمین فیستیڤاڵی چاندی کورد  لە پاریسی پایتەختی فەرەنسا لە ناوەندی چاندی ئەحمەد کایا بە قاوەڵتییەک دەستی پێ کرد. پاشان لەسەر پێکهاتەی جڤاکی-چاندی کوردانی کرماشان پانێڵێک پێشکەشکرا.

لە کوردانی کرماشان د. تەبیبە ڕەزایی دەربارەی چاند و کەلەپووری ڕۆژهەڵاتی کوردستان دوا.

ڕەزایی دەربارەی میراتی مۆسیقای کرماشان گوتی: "ڕادیۆی کرماشا لە ساڵانی شەست و حەفتاکاندا ڕۆڵێکی گرنگی هەبوو لە گەشەپێدان و گواستنەوەی چاندی کوردانی ئێران".

هەروەها گوتی ئێمە قەرزاری هونەرمەندانی وەک حەسەن زیرەکین و ئەو بەرهەمانە لای گەلی ئێران بە زۆری دەناسرێن.

هەروەها لە ناوەندی چاندی ئەحمەد کایا دەربارەی گرووپی زمانی هیندۆ ئەوروپییەکان و شێوەزارە کوردییەکان پێشەنگایەک کرایەوە.

پاشان پێشانگایەکی خاڵ‌کوتین کرایەوە و هونەرمەندانی تەڤ چاند بەرهەمی کوردیان پێشکەش کرد.

ڕۆژی دووەمی فیستیڤاڵەکە بە هەڵپەڕکێ کۆتایی هات.